მიხეილ ჯანელიძე აშშ-ს სახელმწიფო მდივანს შეხვდა

2016-02-12 17:01:23, 404 ნახვა

პოლიტიკა

მიუნხენის უსაფრთხოების კონფერენციის ფარგლებში, 2016 წლის 12 თებერვალს გაიმართა საქართველოს საგარეო საქმეთა მინისტრის, მიხეილ ჯანელიძის შეხვედრა აშშ-ს სახელმწიფო მდივნის თანაშემწესთან, ვიქტორია ნულანდთან.

საგარეო საქმეტა სამინისტროს ინფორმაციით, შეხვედრის დროს განიხილეს ამერიკის შეერთებული შტატები-საქართველოს სტრატეგიული პარტნიორობის აქტუალური საკითხები, საქართველოს ევროპულ და ევროატლანტიკურ სტრუქტურებში ინტეგრაციის პროგრესი, ვარშავის სამიტისათვის საქართველოს მზადების პროცესი და ევროკავშირსა და საქართველოს შორის ვიზა ლიბერალიზაციის საკითხები.

მათივე ინფორმაციით, მხარეებმა მიმოიხილეს საქართველოში მიმდინარე რეფორმები, განიხილეს ოკუპირებულ ტერიტორიებზე არსებული ვითარება და ჟენევის საერთაშორისო მოლაპარაკებების დინამიკა. შეხვედრაზე ყურადღება გამახვილდა უმაღლესი და მაღალი დონის ვიზიტების გაცვლის მნიშვნელობაზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან