თავდაცვის უწყების თანამშრომლებს შობის ბრწყინვალე დღესასწაულის დადგომა ეროვნული გვარდიის სამხედრო საჩვენებელმა ორკესტრმა კონცერტით მიულოცა.

ღონისძიება თავდაცვის მინისტრის, მინდია ჯანელიძის სახელით, თავდაცვის სამინისტროს შემეცნებით-საგანმანათლებლო ცენტრში გამართა.

საშობაო კონცერტი თავდაცვის სამინისტროს ახალი საიმიჯო ვიდეორგოლების ჩვენებით დაიწყო.

სამხედრო მუსიკოსებმა შტრაუსის, ჩაიკოვსკის, გლენ მილერისა და სხვა კომპოზიტორების სადღესასწაულო თემატიკასთან დაკავშირებული კომპოზიციები შეასრულეს. მუსიკალურ კომპოზიციებს  მხატვარი ნონა გიუნაშვილი  ქვიშის არტით აფორმებდა. მუსიკალურ დასს დირიჟორობა საქართველოს შეიარაღებული ძალების სამხედრო-საჩვენებელი ორკესტრის ხელმძღვანელმა, კაპიტანმა კობა მერმანიშვილმა გაუწია. ღონისძიებაზე რამდენიმე კომპოზიცია  საქართველოს სახელმწიფო სიმფონიური ორკესტრის მთავარმა დირიჟორმა, ნიკოლოზ რაჭველმა სამხედრო ორკესტრთან ერთად შეასრულა.

შობის ბრწყინვალე დღესასწაულისადმი მიძღვნილ საღამოს  თავდაცვის მინისტრის მოადგილეები, საქართველოს შეიარაღებული ძალების გენერალური შტაბის უფროსის მოადგილეები, თავდაცვის სამინისტროსა და გენერალური შტაბის თანამშრომლები დაესწრნენ. კონცერტზე ნატოს სამეკავშირეო ოფისის, Cubic-ის ჯგუფისა და ODC-ის (თავდაცვის სფეროში თანამშრომლობის ოფისი) წარმომადგენლებიც იმყოფებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა

გომის მთაზე მიკროავტობუსი გადავარდა - არსებული ცნობებით, არიან დაღუპულები

ნიკა გვარამია: ივანიშვილის რეჟიმმა აღიარა რუსული სამხედრო მანქანისადმი პირდაპირი დახმარება

საქართველოს ოპოზიცია იმ კომპანიის დასახელებას ითხოვს, რომელმაც აფხაზეთს საწვავი მიაწოდა