2016-02-11 14:25:04, 1242 ნახვა
მსოფლიო
დასავლეთი რუსეთს სირიის საჰაერო ოპერაციების გამო, ისევ აკრიტიკებს
დასავლეთი რუსეთს სირიის საჰაერო ოპერაციების გამო ისევ აკრიტიკებს.
საერთაშორისო კოალიციის წარმომადგენელმა ამერიკელ კონგრესმენებს განუცხადა, რომ რუსეთის მიერ განხორციელებული იერიშები ისლამური სახელმწიფოს წინააღმდეგ ბრძოლაში ხელს უშლის.
ბოლო პერიოდში ალეპოს პროვინციაში სამხედრო მოქმედებებმა ინტენსიური სახე მიიღო, რის გამოც მოსახლეობის მდგომარეობა გაუარესდა.
წითელი ჯვრის შეფასებით, რეგიონი უკვე ჰუმანიტარული კატასტროფის ზღვარზეა. შეგახსენებთ, რომ ბოლო მონაცემით, ალეპო უკვე 50 ათასმა ადგილობრივმა დატოვა. თურქეთი რუსეთსა და სირიის სამთავრობო ძალებს ეთნიკურ წმენდაში ადანაშაულებს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
