სამხრეთ აფრიკაში ავტობუსი 50 მეტრის სიმაღლიდან ხევში გადავარდა, რასაც 45 ადამიანის სიცოცხლე ემსხვერპლა. ამის შესახებ ინფორმაციას BBC ოფიციალურ პირებზე დაყრდნობით ავრცელებს. 

როგორც BBC წერს, ერთადერთი გადარჩენილი 8 წლის გოგონაა, რომელიც მძიმე დაზიანებებით სამედიცინო დაწესებულებაშია გადაყვანილი.

მგზავრები იყვნენ მომლოცველები, რომლებიც ბოტსვანის დედაქალაქ გაბორონედან სააღდგომო წირვაზე ქალაქ მორიაში მიემგზავრებოდნენ.

სამხრეთ აფრიკის საზოგადოებრივი მაუწყებლის ცნობით, ავტოავარია, ლიმპოპოს პროვინციაში, იოჰანესბურგიდან, დაახლოებით, 300 კილომეტრში, მოკოპანსა და მარკენს შორის მდებარე უღელტეხილზე მოხდა. 

შემთხვევის ადგილზე მისულმა ქვეყნის ტრანსპორტის მინისტრმა, სინდისივე ჩიკუნგამ დაღუპულთა ოჯახებს სამძიმარი გამოუცხადა და თქვა, რომ ავტოკატრასტროფის გამომწვევ მიზეზებს გამოძიება დაადგენს.

ავტორი: ექსპრესნიუსი,

სოციალური ქსელები

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა

პროკურატურა 4 ოქტომბრის საქმეზე გიორგი კირვალიძის საპროცესო შეთანხმების გაუქმებას ითხოვს

საქართველოს კინოცენტრი: ლოკარნოს კინოფესტივალზე ფილმი „ცრემლსადენი გაზი“ არ დაგვიბლოკავს

ახალი სასკოლო ფორმების გაყიდვა საქართველოში 1 სექტემბერს დაიწყება