2024-03-20 22:38:04, 717 ნახვა

---

ფაშინიანი - სომხეთი მზადაა სოფლების ბაგანის-ვოსკეპარ-კირანც-ბერქაბერის მიდამოებში, აზერბაიჯანთან საზღვრის სრული დემარკაცია განახორციელოს

სომხეთის სოფლების ბაგანის-ვოსკეპარ-კირანც-ბერქაბერის მიდამოებში სომხეთი მზადაა, განახორციელოს საზღვრის სრული დემარკაცია აზერბაიჯანთან, - ამის შესახებ სომხეთის პრემიერ-მინისტრმა, ნიკოლ ფაშინიანმა განაცხადა.

როგორც ფაშინიანი აღნიშნავს, სომხეთსა და აზერბაიჯანს შორის რუკებთან დაკავშირებით შეთანხმება არ არსებობს, თუმცა არსებობს შეთანხმება, რომ სომხეთი და აზერბაიჯანი აღიარებენ ერთმანეთის ტერიტორიულ მთლიანობას ალმა-ათის დეკლარაციის საფუძველზე.

„არსებობს გაგება, რომ ორ ქვეყანას შორის დელიმიტაციის პროცესი უნდა მოხდეს. ალმათის დეკლარაცია უნდა იყოს პოლიტიკური საფუძველი. ალმა-ათის დეკლარაციის საფუძველზე დემარკაციის განხორციელება არ ნიშნავს ახალი საზღვრის შექმნას, არამედ იმ საზღვრების რეკონსტრუქციას, რომელიც არსებობდა საბჭოთა კავშირის ბოლო პერიოდში”, - განაცხადა ნიკოლ ფაშინიანმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი