გარემოს დაცვისა და სოფლის მეურნეობის მინისტრის მოადგილე თენგიზ ნასარიძე, ქვეყანაში ხორბლის წარმოების განვითარებისა და სასურსათო უსაფრთხოების უზრუნველყოფის ხელშემწყობი ღონისძიებების განხილვის მიზნით, სოფლის მეურნეობის დარგის სამეცნიერო წრეების წარმომადგენლებს და სპეციალისტებს შეხვდა.

შეხვედრა გარემოს დაცვისა და სოფლის მეურნეობის სამინისტროს და სოფლის მეურნეობის მეცნიერებათა აკადემიას შორის გაფორმებული ურთიერთთანამშრომლობის ფარგლებში გაიმართა.

მინისტრის მოადგილემ ყურადღება ხორბლის მიწოდების ჯაჭვის მდგრადობაზე გაამახვილა და შესაბამისი სამოქმედო გეგმის შემუშავებით ქვეყნისთვის ხორბლის ხარისხის და მოსავლიანობის  მაჩვენებლის ზრდის ხელშეწყობის მნიშვნელობაზე ისაუბრა.

„ხორბლის წარმოების ხელშეწყობა სახელმწიფოს ერთ-ერთ მნიშვნელოვან პრიორიტეტს წარმოადგენს. ვფიქრობ, ერთიანი ძალისხმევით შევძლებთ ეფექტიანი სამოქმედო გეგმის მომზადებას, რაც ხარისხიანი ხორბლის წარმოების ზრდას და ქვეყნის სასურსათო უსაფრთხოებას უზრუნველყოფს“,- განაცხადა თენგიზ ნასარიძემ.

შეხვედრაზე საუბარი შეეხო ქვეყანაში სათესლე მეურნეობების განვითარების მნიშვნელობის საკითხებს.

სოფლის მეურნეობის სამეცნიერო-კვლევით ცენტრში გამართულ შეხვედრას სოფლის-მეურნეობის მეცნიერებათა აკადემიის და სოფლის მეურნეობის სამეცნიერო-კვლევითი ცენტრის ხელმძღვანელი პირები, ასევე, სამინისტროს შესაბამისი სამსახურების და კერძო სექტორის წარმომადგენლები ესწრებოდნენ.

ინფორმაციას გარემოს დაცვისა და სოფლის მეურნეობის სამინისტრო ავრცელებს.

ავტორი: NS (სტატია დაფინანსებულია),

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით