2024-03-01 11:11:27, 592 ნახვა
საზოგადოება
მუხიანის აგარაკებზე, ვანისა და ხვანჭკარას ქუჩებზე ინფრასტრუქტურული სამუშაოები დაიწყო
მუხიანის აგარაკებზე კიდევ ორი ქუჩის მოწესრიგება დაიწყო - გლდანის რაიონის გამგეობა ვანისა და ხვანჭკარას ქუჩებზე წყალარინების ქსელს მოაწყობს. ამის შესახებ ინფორმაციას გლდანის რაიონის გამგეობა ავრცელებს.
გამგეობის ცნობით, სამუშაოების შედეგად, ქსელი 1 452 გრძივ მეტრზე მოეწყობა.
"აღნიშნულისთვის 1 240 000 ლარი დაიხარჯება. წყალარინების ქსელის მოწყობის შემდეგ კი ორივე ქუჩაზე, 6 400 კვ. მეტრ ფართობზე, გზის საფარი მოეწყობა, რისთვისაც დაახლოებით, 2 500 000 ლარი დაიხარჯება.
სამუშაოების მიმდინარეობას ადგილზე გლდანის რაიონის გამგებლის მოვალეობის შემსრულებელი ბესიკ კალაძე გაეცნო",- აღნიშნულია გამგეობის ინფორმაციაში.
ავტორი: NS (სტატია დაფინანსებულია),
epn.ge (@expressnews.ge)
