2008 წელს შესაძლებელი იყო უკრაინისა და საქართველოს მიღება ევროკავშირსა და ნატოში, თუმცა მათ ეს შანსი ხელიდან გაუშვეს, - ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.

ორბანის თქმით, აღნიშნულის შემდეგ რუსეთი გაძლიერდა და "ახლა ამ პროცესს აღარ დაუშვებს".

მისივე თქმით, საუკეთესო პერსპექტივაა, რომ უკრაინა რუსეთსა და დასავლეთს შორის "ბუფერულ ზონად" დარჩეს, რაც უსაფრთხოების გარკვეულ გარანტიებს უზრუნველყოფს.

"მოსწონთ თუ არა უკრაინელებს, უკრაინა არის იქ, სადაც ის რუკაზეა. საუკეთესო პერსპექტივაა, რომ ის იყოს ბუფერული ზონა რუსეთსა და დასავლეთს შორის - უსაფრთხოების გარანტიებით, რა თქმა უნდა. თუ ეს ვერ მოხერხდა, უკრაინა გააგრძელებს ტერიტორიების დაკარგვას. 

რუსეთი გაანადგურებს უკრაინას, ისევ და ისევ. რუსეთი არასდროს შეეგუება თავის საზღვრებზე ევროკავშირისა და ნატოს ისეთი წევრის ყოლას, როგორიც უკრაინაა", - განაცხადა ორბანმა.

მისივე თქმით, რუსეთ-უკრაინის ომი 2024 წელს არ დასრულდება და აუცილებელია, სულ მცირე, უზრუნველყოფილი იყოს ცეცხლის შეწყვეტა, ხოლო სიტუაცია მივიდეს იმ "ფაზამდე", რომელშიც მოლაპარაკებების წარმართვა შესაძლებელი იქნება.

ავტორი: ექსპრესნიუსი,

სოციალური ქსელები

თურქეთში ნატოს სამიტის წინ ჟურნალისტებისა და მასწავლებლების მასობრივი დაპატიმრებები მოხდა

ერთი ზეიმი, განსხვავებული კრიტიკა: კლინტონი, ბუში და ობამა აშშ-ში დემოკრატიის კრიზისზე საუბრობენ

როიტერი: ტრამპი ზელენსკის თურქეთში ნატოს სამიტის ფარგლებში შეხვდება

საწვავის კრიზისის ფონზე, ტრანსბაიკალიის მაცხოვრებლებს ჩინეთში საწვავის შევსებას სთავაზობენ.