2024-01-30 17:42:29, 1330 ნახვა

---

კასპის მუნიციპალიტეტში, „სოფლის მხარდაჭერის პროგრამის“ ფარგლებში“ მოსახლეობასთან შეხვედრები მიმდინარეობს

კასპის მუნიციპალიტეტში, „სოფლის მხარდაჭერის პროგრამის“ ფარგლებში, მოსახლეობასთან შეხვედრები და კონსულტაციები დაიწყო. ამის შესახებ ინფორმაციას კასპის მერია ავრცელებს.

მერიის ცნობით, მუნიციპალიტეტის მერი ვახტანგ მაისურაძე, მერის პირველი მოადგილე დავით ქისიშვილი, საკრებულოს თავმჯდომარე შოთა ბეგლარაშვილი და საკრებულოს დეპუტატები მეტეხისა და ქვემო გომის ადმინისტრაციულ ერთეულში შემავალი ექვსი სოფლის მცხოვრებლებს შეხვდნენ.

„შეხვედრებზე გამოიკვეთა შემდეგი პრიორიტეტული საკითხები - შიდა საუბნო გზების მოწესრიგება, სკვერების, სპორტული მოედნებისა და გარე განათების მოწყობა.

კასპის მუნიციპალიტეტისთვის „სოფლის მხარდაჭერის პროგრამის“ ფარგლებში, რეგიონებში განსახორციელებელი პროექტების ფონდიდან 950 000 ლარია გამოყოფილი",- აღნიშნულია მერიის ინფორმაციაში.

---

ავტორი: NS (სტატია დაფინანსებულია),

---

დღის თემა

მთავარი თემა

ინტერვიუ - ექსკლუზივი