"საქართველო პუტინის მაგალითს მიჰყვება",- ამ სათაურით სტატიას POLITICO აქვეყნებს და მასში აღმოსავლეთ პარტნიორობის სამოქალაქო საზოგადოების ფორუმის ანგარიშს მიმოიხილავს.

როგორც გამოცემა წერს, "პუტინის ომი უკრაინაში ჰყოფს ევროპის აღმოსავლეთ სამეზობლოს - ზოგიერთი ქვეყანა უახლოვდება ევროკავშირს, ზოგი კი, მათ შორის საქართველო, სიამოვნებით მიჰყვება რუსეთის ავტორიტარიზმის გზას".

POLITICO-ს ცნობით, აღმოსავლეთ პარტნიორობის სამოქალაქო საზოგადოების ფორუმის ანგარიშში აღნიშნულია, რომ "რუსეთის შეჭრამ უკრაინაში გააძლიერა ურთიერთობები აღმოსავლეთის ზოგიერთ სახელმწიფოსა და ევროკავშირს შორის ენერგეტიკის, ვაჭრობისა და ტრანსპორტის საკითხებში. მიუხედავად იმისა, რომ უკრაინასა და მოლდოვაში სახელმწიფო ადმინისტრაცია გაიზარდა, "პოლიტიკურად პოლარიზებულ საქართველოში" ვითარება დაღმავალია".

"დიქტატურები თუ ავტოკრატიული რეჟიმები სწავლობენ ერთმანეთისგან. მე ვფიქრობ, რომ ნამდვილად არსებობს სწავლის მრუდი, რომელსაც ჩვენ ვხედავთ ზოგიერთ ქვეყანაში. ჩვენ ეს საქართველოშიც ვნახეთ",- განუცხადა გამოცემას პარტნიორობის წევრმა, ალექსანდრა საბუმ.

საბუს თქმით, საქართველომ 2023 წლის მარტში სცადა "პუტინის სტილის" კანონის დანერგვა "უცხოელი აგენტების შესახებ", რასაც ქვეყანაში პროტესტი მოჰყვა. 

"კანონი იყო ერთგვარი copy-paste რუსეთიდან, ზოგიერთი ადგილობრივი ელემენტებით, მაგრამ მსგავსება აშკარა იყო",- ამბობს პარტნიორობის წევრი.

ანგარიშის თანახმად, საქართველოში მაჩვენებელი შემცირდა, მათ შორის დემოკრატიის, კარგი მმართველობის კუთხით. 

"ძირითადად ყველა სფეროში იყო შემცირება, თუმცა ევროკავშირმა დააჯილდოვა იგი კანდიდატის სტატუსით",- აცხადებს საბუ.

ანგარიშის მიხედვით, მიუხედავად იმისა, რომ საქართველო ნელ-ნელა შორდება, უკრაინა და მოლდოვა "სტაბილურად ახორციელებენ ისეთ სისტემურ ცვლილებებს, რომლებსაც ბრიუსელი მოელის მათგან გაწევრიანების გზის გასაგრძელებლად". 

ცნობისთვის, აღმოსავლეთ პარტნიორობის 2023 წლის ინდექსის მიხედვით, მოლდოვა პირველ ადგილზეა 0.7 ქულით, უკრაინა მეორეზე 0.66 ქულით, ხოლო საქართველო მესამეზე 0.63 ქულით.

ავტორი: ექსპრესნიუსი,

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს