2023-11-07 18:36:57, 707 ნახვა
პოლიტიკა
ზურაბიშვილი ვოლსკის განცხადებაზე - ამას რომ კაცობა არ ჰქვია, ეს ყველას გვესმის
საქართველოს პრეზიდენტი სალომე ზურაბიშვილი "ქართული ოცნების" დეპუტატის, გია ვოლსკის განცხადებას გამოეხმაურა.
ზურაბიშვილის თქმით, ყველას ესმის, რომ გია ვოლსკის განცხადებას "კაცობა არ ჰქვია".
"ამას ვერც პოლიტიკას და ვერც პოლიტიკოსობას ვერ დავაბრალებთ! და ამას კაცობა რომ არ ჰქვია, ეს კი ყველას გვესმის!", - წერს სალომე ზურაბიშვილი სოციალურ ქსელში.
ცნობისთვის, "ქართული ოცნების" დეპუტატმა, გია ვოლსკიმ კირბალში, რუსეთის საოკუპაციო ძალების მიერ საქართველოს მოქალაქის მკვლელობაზე საუბრისას აღნიშნა, რომ "პოლიტიკოსთა ჯგუფი ადამიანის სიკვდილით გახარებულია, მათ შორის, სალომე ზურაბიშვილი, რაც არ ეკადრება ჩვენს ქვეყანას".
ავტორი: ექსპრესნიუსი,
epn.ge (@expressnews.ge)
