ვწუხვარ, რომ ჰუმანიტარული პაუზის ნაცვლად, ისრაელმა სამხედრო ოპერაცია გააძლიერა,- ამის შესახებ გაეროს გენერალურმა მდივანმა, ანტონიო გუტიერეშმა ნეპალის დედაქალაქ კატმანდუში ვიზიტის დროს განაცხადა.

გენმდივნის თქმით, ღაზას სექტორში ვითარება "სულ უფრო მეტად იძაბება".

"ღაზას სექტორში ვითარება სულ უფრო მეტად იძაბება. ვწუხვარ, რომ კრიტიკულად მნიშვნელოვანი ჰუმანიტარული პაუზის ნაცვლად, რომელსაც საერთაშორისო თანამეგობრობა მხარს უჭერს, ისრაელმა სამხედრო ოპერაცია გააძლიერა",- ამბობს ანტონიო გუტიერეში.

შეგახსენებთ, მანამდე, გაეროს გენერალურმა მდივანმა, ანტონიო გუტიერეშმა ნიუ-იორკში მიმდინარე გაეროს უსაფრთხოების საბჭოზე სიტყვით გამოსვლის განაცხადა, რომ "ჰამასის" თავდასხმები "ვაკუუმში არ მომხდარა" და რომ პალესტინელები "56 წელია ოკუპაციას ექვემდებარებიან".

აღნიშნულ განცხადებას გაეროში ისრაელის ელჩი გილად ერდანი გამოეხმაურა, გუტიერეშის გადადგომა მოითხოვა და თქვა, რომ ისრაელი გაეროს ოფიციალური პირებისთვის ვიზების გაცემაზე უარს იტყვის. 

აღსანიშნავია ასევე, რომ გაეროს გენერალურმა ასამბლეამ მიიღო რეზოლუცია, რომელიც ისრაელსა და „ჰამასს“ ცეცხლის შეწყვეტისკენ მოუწოდებს. რეზოლუციას მხარი 120-მა ქვეყანამ დაუჭირა, 14 წინააღმდეგი იყო, ხოლო 45-მა თავი შეიკავა.

ავტორი: ექსპრესნიუსი,

სოციალური ქსელები

კობახიძე: კორუფცია ხელისუფლების ზედა ეშელონებში პრინციპულად აღმოფხვრილი, დამარცხებულია

ე.წ. სააფთიაქო ნარკომანიის საქმეზე ჯანდაცვის მინისტრის ყოფილი მოადგილე დააკავეს

NGO-ები: წლებია, წამებას და არასათანადო მოპყრობას სახელმწიფო პოლიტიკურ იარაღად იყენებს

საია-ში განმარტავენ, რას ეხება მზია ამაღლობელის საქმეზე სტრასბურგში წარდგენილი მე-4 სარჩელი