მინდა გამოვეხმაურო დეზინფორმაციას, რომელიც ეხება იმას, რომ თითქოს „ქართული ოცნება“ საშუალებას არ აძლევს „ნაციონალურ მოძრაობას“ მონაწილეობა მიიღოს საპარლამენტო ასამბლეის მუშაობაში. ეს არის აბსოლუტური ტყუილი,- ამის შესახებ ფრაქცია „ქართული ოცნების“ თავმჯდომარის მოადგილემ, ირაკლი ჩიქოვანმა ჟურნალისტებს განუცხადა.

როგორც ირაკლი ჩიქოვანმა განმარტა, „თუ ვინმე არ აძლევს მუშაობის საშუალებას ქალბატონ ბოკუჩავას, ეს არის ქალბატონი დეკანოიძე იმიტომ, რომ ის ართმევს საკუთარ ადგილს დელეგაციაში. „ნაციონალურ მოძრაობას“ კანონის მიხედვით აქვს დადგენილი კვოტები, მაგრამ ქალბატონი დეკანოიძე არ უთმობს ამ კვოტას ქალბატონ ბოკუჩავას. ამას გარდა, „ნაციონალურ მოძრაობას“ ჰყავს სხვა წარმომადგენელიც, რომელიც არის ბატონი აკაკი მინაშვილი, რომელიც ასევე არ იმყოფებოდა სესიაზე და არც არცერთ სესიაზე ყოფილა. აქედან გამომდინარე, თითქოს საუბარი იმაზე, რომ „ქართული ოცნება“ ვინმეს რამეს უკრძალავს არის აბსოლუტური ტყუილი“.

ასევე, საპარლამენტო უმრავლესობის წევრი გამოეხმაურა გავრცელებულ ინფორმაციას იმის შესახებ, თითქოს საქართველოს პარლამენტის დელეგაცია ირაკლი ჩიქოვანის ხელმძღვანელობით ევროპულ საბჭოში იმყოფება და აღნიშნა, რომ "გაუგებარია ის ტყუილი, რაც ზოგიერთმა ტელევიზიის წარმომადგენლებმა მოიგონეს".

„ჩემთვის გაუგებარია ის ტყუილი, რაც მოიგონეს ზოგიერთმა ტელევიზიის წარმომადგენლებმა და ეს ტყუილი რეალურად რამდენიმე საათიანი ტყუილია. ევროპის საბჭოს საპარლამენტო ასამბლეაზე დელეგაციები მონაწილეობენ სხვადასხვა შემადგენლობით. ამ ჯერზე, საპარლამენტო ასამბლეაზე მონაწილეობდა მხოლოდ ქალბატონი ქეთევან თურაზაშვილი, ჩვენი სხვა წევრები იმყოფებოდნენ თბილისში, ზოგიერთი მათგანი იმყოფება პოლონეთში, აკვირდება არჩევნებს, მანამდე იმყოფებოდა ნატოს საპარლამენტო ასამბლეაზე და შესაბამისად ეს არის აბსოლუტური ტყუილი“, - განაცხადა ირაკლი ჩიქოვანმა.

ავტორი: NS (სტატია დაფინანსებულია),

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”