სამწუხარო ფაქტია, როდესაც ოპოზიცია და ამაში აიყოლიეს საკუთარი ტელევიზიები, სპეკულირებენ, რომ საქართველო არ ასრულებს რომელიმე რეკომენდაციას. თვით ევროკავშირის შეფასებებშიც კი არ არის საუბარი იმაზე, რომ ვინმე არ ასრულებს, - ამის შესახებ საპარლამენტო უმრავლესობის წევრმა, ირაკლი ჩიქოვანმა ჟურნალისტებს განუცხადა.

მისი თქმით, ევროკავშირის შეფასებებში საუბარია საქართველოს პროგრესზე და იმ კონკრეტულ დეტალებზე, რომლებზეც აქტიურად მიმდინარეობს მუშაობა.

„საუბარია იმაზე, რომ ჩვენ გვაქვს ძალიან დიდი პროგრესი, თუმცა არის კონკრეტული დეტალები, რომლებსაც სჭირდება შესაბამისი რეაგირება. იცით, რომ სულ რამდენიმე კვირის წინ, ბატონი ბორელი იმყოფებოდა აქ. ეს იყო ძალიან მნიშვნელოვანი შეხვედრა და ოფიციალური შეხვედრის გარდა, ეს იყო ძალიან მნიშვნელოვანი სამუშაო ეტაპი ჩვენს თანამშრომლობაში, სადაც დავაკოორდინირეთ ის გადაწყვეტილებები, რომლებიც უნდა მიგვეღო, რომლებიც უნდა დაგვეზუსტებინა და ეს პროცესი მიმდინარეობს. საქართველოს პარლამენტში ძალიან მნიშვნელოვანი საკანონმდებლო ცვლილებებია ინიცირებული, მნიშვნელოვანი სამოქმედო გეგმა იქნა შემოთავაზებული დეოლიგარქიზაციასთან დაკავშირებით. აქედან გამომდინარე, ჩვენ გვაქვს ყველაფერი იმისათვის, რომ საქართველომ კანდიდატის სტატუსი მიიღოს ოქტომბრის ბოლოს“, - განაცხადა ირაკლი ჩიქოვანმა.

ავტორი: NS (სტატია დაფინანსებულია),

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”