უკრაინის პრეზიდენტი ვოლოდიმირ ზელენსკი ბელგიაში ჩავიდა. აღნიშნულის შესახებ უკრაინის პრეზიდენტი Telegram-ზე წერს.

ზელენსკის განცხადებით, მონაწილეობას მიიღებს „რამშტაინის“ ფორმატის შეხვედრაში, რომელიც ნატოს შტაბ-ბინაში გაიმართება.

მისივე თქმით, გარდა ამისა, ვიზიტის ფარგლებში გაიმართება შეხვედრები ნატოს გენერალურ მდივანთან, იენს სტოლტენბერგთან და აშშ-ს თავდაცვის მდივანთან, ლოიდ ოსტინთან.

"ბელგია, ბრიუსელი. ვიზიტი ნატოს შტაბ-ბინაში, რომელიც გადამწყვეტი იქნება ჩვენი მდგრადობისთვის ამ ზამთარში.

მე გავმართავ შეხვედრებს ალიანსის გენერალურ მდივანთან, იენს სტოლტენბერგთან და აშშ-ის თავდაცვის მდივანთან, ლოიდ ოსტინთან.

პირველად "ოფლაინში" მივიღებ მონაწილეობას „რამშტაინის“ ფორმატის შეხვედრაში. მე მაქვს მნიშვნელოვანი მიმართვა ამ ძლიერი კოალიციის წევრი ქვეყნების თავდაცვის ყველა მინისტრთან.

სრულმასშტაბიანი ომის დაწყების შემდეგ უკვე მეორედ გავმართავ მოლაპარაკებებს ბრიუსელში ბელგიის პრემიერ-მინისტრთან, ალექსანდრე დე კროუსთან",- წერს ზელენსკი.

შეგახსენებთ, რომ გუშინ, 10 ოქტომბერს უკრაინის პრეზიდენტი ვოლოდიმირ ზელენსკი ვიზიტით რუმინეთში იმყოფებოდა.

ავტორი: ექსპრესნიუსი,

სოციალური ქსელები

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს

უკრაინამ ვოლგოგრადში მდებარე „ისკანდერის“ სარაკეტო ქარხანას „ფლამინგოს“ რაკეტები დაარტყა