პუტინმა უკრაინის ხელში ჩაგდების განზრახვა თითქმის 2 ათეული წლის წინ გამოთქვა, მაგრამ როდესაც დასავლეთი გავაფრთხილე, მე უგულებელყოფილი ვიყავი,- ამის შესახებ საქართველოს მესამე პრეზიდენტის, მიხეილ სააკაშვილის წერილშია აღნიშნული, რომელიც მან გამოცემა The Times-ს გაუგზავნა.

როგორც წერილშია აღნიშნული, რუსეთის პრეზიდენტი, ვლადიმერ პუტინი არ მალავდა მიწის მიტაცების გეგმებს, როცა ისინი მოლაპარაკებებისთვის კრემლში 2004 წელს შეხვდნენ.

"პრეზიდენტმა პუტინმა უკრაინის ხელში ჩაგდების განზრახვა თითქმის 2 ათეული წლის წინ გამოთქვა, მაგრამ დასავლეთმა უგულებელყო გაფრთხილებები მისი აგრესიული ტერიტორიული ამბიციების შესახებ...

ყველაფერი, რასაც ის ახლა აკეთებს, მეტნაკლებად ამიხსნა ჩვენს პირველ შეხვედრაზე“,- აღნიშნულია  სააკაშვილის წერილში.

ამასთან, როგორც გამოცემა წერს, მიხეილ სააკაშვილი "კრემლში შეხვედრის შემდეგ ბერლინში გაემგზავრა პუტინთან დაკავშირებით თავისი შეშფოთების გამოსახატად, თუმცა გერმანიის მაშინდელი კანცლერი გერჰარდ შროდერი გულცივი იყო".

"როცა დასავლეთი გავაფრთხილე პუტინის შესახებ, მე უგულებელყოფილი ვიყავი, როგორც არასტაბილური გამწარებული გიჟი", - წერს სააკაშვილი.

The Time-ის მასალაში ასევე საუბარია სააკაშვილის პრეზიდენტობის პერიოდზეც, სადაც ნათქვამია, რომ "ვარდების რევოლუციის" შემდეგ მიხეილ სააკაშვილმა კორუფციის აღმოსაფხვრელად რეფორმები გაატარა და ქვეყანა NATO-სა და ევროკავშირის გზაზე დააყენა.

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს