უკრაინული მხარე მიხეილ სააკაშვილის უკრაინაში მკურნალობისთვის გადაყვანას მოითხოვს,- ამის შესახებ უკრაინის საგარეო საქმეთა სამინისტროს განცხადებაშია აღნიშნული.

როგორც განცხადებაში ვკითხულობთ, დიპლომატიური უწყება მოითხოვს, რომ "საქართველოს მთავრობამ შეწყვიტოს დამამცირებელი მოპყრობა უკრაინის მოქალაქის მიმართ".

„4 ივლისს უკრაინის პრეზიდენტის დავალების შესასრულებლად უკრაინის საგარეო საქმეთა სამინისტროში დაიბარეს საქართველოს ელჩი უკრაინაში  გიორგი ზაქარეიშვილი, რომლის მიმართაც დიპლომატებმა გამოხატეს მკაცრი პროტესტი მიხეილ სააკაშვილის ჯანმრთელობის გაუარების გამო.

ქართველ დიპლომატს ხაზგასმით აღენიშნა, რომ მიხეილ სააკაშვილის მიმართ ასეთი დამოკიდებულება არის მიუღებელი. საქართველოს მთავრობამ უნდა შეწყვიტოს დამამცირებელი მოპყრობა უკრაინის მოქალაქის მიმართ.

უკრაინის საგარეო საქმეთა სამინისტრომ საქართველოს ელჩს უკრაინაში გიორგი ზაქარეიშვილს შესთავაზა თბილისში დაბრუნება კონსულტაციების გასავლელად და შექმნილი სიტუაციიდან გამოსავლის მოსაძებნად.

უკრაინული მხარე მოითხოვს, მიხეილ სააკაშვილის უკრაინაში გადაყვანას მკურნალობისთვის“,- აღნიშნულია განცხადებაში.

შეგახსენებთ, გუშინ, 3 ივლისს უკრაინის პრეზიდენტმა, ვოლოდიმირ ზელენსკიმ განაცხადა, რომ ქვეყნის დიპლომატიურ უწყებას დაავალა, გამოიძახოს საქართველოს ელჩი და მოსთხოვოს მას, ექსპრეზიდენტ მიხეილ სააკაშვილის კიევისთვის გადაცემის საკითხზე თბილისთან კონსულტაციების გამართვის მიზნით, ქვეყანა 48 საათის განმავლობაში დატოვოს. 

ავტორი: ექსპრესნიუსი,

სოციალური ქსელები

CNN: ისრაელი ლიბანს უახლოეს დღეებში ოკუპირებული ტერიტორიების ნაწილს დაუბრუნებს

თეთრ სახლში ილია თოფურიას ორთაბრძოლის დროს, თავდასხმა იგეგმებოდა - 8 ეჭვმიტანილი დააკავეს

ირანის რეჟიმის პრეზიდენტმა მადლობა გადაუხადა ყაველაშვილს აიათოლა ალი ხამენეის დაკრძალვაზე დასწრებისთვის

უკრაინამ იერიში მიიტანა ყუბანში მდებარე ილსკის ნავთობგადამამუშავებელ ქარხანაზე და როსტოვში მდებარე დიდ თავდაცვით ქარხანაზე