2023-07-03 19:02:19, 783 ნახვა
პოლიტიკა
აუსტრევიჩუსი სააკაშვილზე - საქართველო პატრიოტებსა და ოცნებას კარგავს
ევროპარლამენტარი პეტრას აუსტრევიჩუსი საქართველოს მესამე პრეზიდენტის, მიხეილ სააკაშვილის დღევანდელ სასამართლოს გამოეხმაურა.
როგორც აუსტრევიჩუსმა აღნიშნა, საქართველო პატრიოტ მოქალაქეებსა და საკუთარ ოცნებას კარგავს
"საქართველოს ყოფილი პრეზიდენტი მიხეილ სააკაშვილი სასამართლო მოსმენაზე დღეს. ამ სერიოზულად დაავადებულ ადამიანს უარს ეუბნებიან უფლებაზე, რომ ევროკავშირის სამედიცინო ექსპერტებმა მოინახულონ. საქართველო კარგავს თავის პატრიოტებსა და ოცნებას", - წერს აუსტრევიჩუსი სოციალურ ქსელში და მიხეილ სააკაშვილის ფოტოს აქვეყნებს.
ცნობისთვის, თბილისის საქალაქო სასამართლოში 7 ნოემბრის საქმეზე პროცესი მიმდინარეობს.
სხდომას მესამე პრეზიდენტი მიხეილ სააკაშვილი კლინიკა "ვივამედიდან" დისტანციურ რეჟიმი ერთვება.
ავტორი: ექსპრესნიუსი,
epn.ge (@expressnews.ge)
