კობახიძე, ღარიბაშვილი და მთელი ეს არარაოებების ბრბო ივანიშვილის გარშემო, არა ბრიყვები, არამედ მოღალატეები არიან,- ამის შესახებ " ევროპული საქართველოს" თავმჯდომარემ, გიგა ბოკერიამ განაცხადა.

ბოკერიას თქმით,  ვისაც არ უხარია რუსეთის შიგნით დაპირისპირება, მათ შორის, სამხედრო დაპირისპირება, ის ან ბრიყვია, ან მოღალატე, ხოლო "ვინც გუშინ ნერვიულობდა იმაზე, რომ რუსეთს რამე არ დაემართოსო, ის პირდაპირ მოღალატეა".

"ევროპულ საქართველოს" უშიშროების საბჭოს მოწვევის ან საზღვრის ჩაკეტვის მოთხოვნა არც გვაქვს, ამ პუტინისტური სულისკვეთების რეჟიმისგან არანაირი მსგავსი მოლოდინი არ გვაქვს, ჩვენ ვთვლით, რომ მხოლოდ ერთ რამეზე უნდა ვფოკუსირდეთ, ამ რეჟიმის დემოკრატიულ ცვლილებაზე, თორემ რა უშიშროების საბჭო უნდა მოიწვიოს ამ მთავრობამ - კობახიძე, ღარიბაშვილი, წულუკიანი შეიკრიბებიან და იქ ითათბირებენ ამაზე?!"- ამბობს ბოკერია.

ცნობისთვის, დღეს, 25 ივნისს "ქართული ოცნების" თავმჯდომარემ, ირაკლი კობახიძემ განაცხადა, რომ რუსეთის ფედერაციაში განვითარებულ მოვლენებთან დაკავშირებით, ოპოზიციური სპექტრი და პრეზიდენტი "ამჩატდა" და "მეორე ფრონტის" გახსნაზე პირდაპირი მოწოდებები გააკეთა.

რაც შეეხება პრეზიდენტისა და ოპოზიციონერი ლიდერების განცხადებებს, სალომე ზურაბიშვილმა გუშინ ​პრემიერ-მინისტრ ირაკლი ღარიბაშვილს უსაფრთხოების საბჭოს დაუყოვნებლივ მოწვევისკენ მოუწოდა. ოპოზიციის ნაწილმა კი, რუსეთის ფედერაციასთან საზღვრის ჩაკეტვა მოითხოვა.

ავტორი: ექსპრესნიუსი,

სოციალური ქსელები

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს

ირაკლი კუპრაძე: ვერაფერი გადაფარავს სიმართლეს - ალეკო ელისაშვილის დაჩაგვრას ცდილობს მურუსიძის სასამართლო, არ გამოვა ეგ საქმე