ბახმუტის მიმართულებით, უკრაინის ჯარების წინსვლა შეტევითი ოპერაციების პირველი წარმატებაა,- აღნიშნულის შესახებ უკრაინის სახმელეთო ძალების მეთაურმა, გენერალმა ალექსანდრე სირსკიმ განაცხადა.

სირსკის თქმით, უკრაინა მტერზე ნაკლები რესურსით იბრძვის, თუმცა მისი გეგმების განადგურებას მაინც ახერხებს.

„ბოლო დღეებმა აჩვენა, რომ ჩვენ შეგვიძლია წინსვლა და მტრის განადგურება ასეთ უკიდურესად მძიმე პირობებშიც კი. ჩვენ ვიბრძვით მტერზე ნაკლები რესურსით. ამავდროულად ვახერხებთ მისი გეგმების განადგურებას. ეს ყველაფერი ჩვენი მებრძოლების დამსახურებაა. ვინც ებრძვის აგრესორს, გადალახავს ადამიანის შესაძლებლობების უმაღლეს ზღვარს“, - განაცხადა სირსკიმ.

მისივე თქმით, თავდაცვისთვის საჭირო ყველა გადაწყვეტილება მიღებულია და შემუშავებულია მოვლენების განვითარების ყველა შესაძლო სცენარიც.

ცნობისთვის, 12 მაისს უკრაინის თავდაცვის მინისტრის მოადგილე ანა მალიარმა განაცხადა, რომ უკრაინულმა ძალებმა ბახმუტის მიმართულებით 2 კმ-ით წინ წაიწიეს და არცერთი პოზიცია არ დაუკარგავთ.

ავტორი: ექსპრესნიუსი,

სოციალური ქსელები

შიო III-მ უკრაინაში მოსკოვის საპატრიარქოს წარმომადგენელ მიტროპოლიტ ონოფრეს ინტრონიზაციის წლისთავი მიულოცა

ვიღაცა მაგრად თამაშობს - დადიანიძის დედა მისი შვილის სახელით გავრცელებულ FB-პოსტებზე

საქართველოში მიწისძვრა მოხდა

ივანიშვილის მარიონეტი მაჭავარიანი წერს, რომ ყველაფერი გააკეთეს მედიის, არასამთავრობოების გასაქრობად, მიიღეს შესაბამისი კანონები