უკრაინამ რუსული ტყვეობიდან კიდევ 44 მებრძოლი გაათავისუფლა. აღნიშნულის შესახებ ინფორმაციას უკრაინის პრეზიდენტის ადმინისტრაციის ხელმძღვანელი ანდრეი ერმაკი ავრცელებს.

ერმაკის თქმით, გათავისუფლებულებს შორის არიან სამხედროები, მეზღვაურები, სასაზღვრო პოლიციის თანამშრომლები და ეროვნული გვარდიის წევრები.

"პატიმართა მორიგი გაცვლა. ჩვენ მოვახერხეთ 44 ჩვენი ადამიანის სახლში დაბრუნება. ესენი არიან სამხედროები, მეზღვაურები, სასაზღვრო პოლიციის თანამშრომლები და ეროვნული გვარდიის წევრები",- განაცხადა ერმაკმა.

მისივე თქმით, დამპყრობლების ტყვეობიდან გაათავისუფლეს 2 მშვიდობიანი მოქალაქე. ამასთან, გათავისუფლებულთა შორის არიან დაჭრილებიც, რომლებიც მტერმა ტყვეობაში აწამა.

"ჩვენი გუნდი, სამხედრო ტყვეთა მოპყრობის საკოორდინაციო შტაბი აგრძელებს პრეზიდენტის ვოლოდიმირ ზელენსკის დავალების შესრულებას, რაც ნათლად ჟღერდა: „მოიყვანეთ ყველა სახლში“, - დასძინა ერმაკმა.

ცნობისთის, რუსეთის მიერ უკრაინაში სრულმასშტაბიანი შემჭრის დაწყებიდან დღემდე, დამპყრობლების ტყვეობიდან უკვე 2 279 უკრაინელი გათავისუფლდა.

ავტორი: ექსპრესნიუსი,

სოციალური ქსელები

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება

დუმის არჩევნების შემდეგ მობილიზაციის შესახებ ხმების ფონზე, რუსები საქართველოს საზღვარზე რიგში ჩადგნენ - რუსული მედია

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს