უკრაინამ კონსულტაციისთვის მინსკიდან ელჩი გამოიძახა

2023-04-19 09:25:01, 1218 ნახვა

მსოფლიო

უკრაინის საგარეო საქმეთა სამინისტრომ მინსკიდან კონსულტაციისთვის გამოიძახა ბელარუსში უკრაინის ელჩი იჰორ კიზიმი.

გადაწყვეტილება მას შემდეგ მიიღეს, რაც 18 აპრილს, ბელარუსის პრეზიდენტი ალექსანდრ ლუკაშენკო თვითგამოცხადებული „დონეცკის სახალხო რესპუბლიკის“ მეთაურს, დენის პუშილნს შეხვდა და დახმარება აღუთქვა.

"მივიჩნევთ, რომ რუსეთის საოკუპაციო ადმინისტრაციის წარმომადგენელთან შეხვედრა, რომელიც ეჭვმიტანილია მძიმე დანაშაულებებში და იმყოფება უკრაინული და საერთაშორისო სანქციების ქვეშ, ბელარუსის რესპუბლიკის მხრიდან კიდევ ერთ და აშკარა არამეგობრულ ქმედებას წარმოადგენს, რომელიც მიმართულია აგრესორის მხარდასაჭერად.

ამასთან დაკავშირებით, უკრაინის საგარეო საქმეთა სამინისტრომ გადაწყვიტა კონსულტაციებისთვის გამოიძახოს უკრაინის ელჩი ბელარუსის რესპუბლიკაში იჰორ კიზიმი.

მინსკმა თავი უნდა შეიკავოს ასეთი დესტრუქციული ნაბიჯებისგან და შეწყვიტოს რუსეთის აგრესიული ომის მხარდაჭერა უკრაინის წინააღმდეგ",- წერია განცხადებაში.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,