2023-04-08 12:18:52, 1319 ნახვა
სამართალი
ვაკეში, ჟვანიას ქუჩაზე სროლა იყო - შსს-მ მომხდარზე გამოძიება დაიწყო
ვაკეში, ჟვანიას ქუჩაზე სროლა იყო. 10-მდე ახალგაზრდა ერთმანეთს, ჯერ სიტყვიერად დაუპირისპირდა, შემდეგ კი შელაპარაკება ფიზიკურ ანგარიშსწორებაში გადაიზარდა.
შინაგან საქმეთა სამინისტრომ ვაკეში, მომხდარი სროლის ფაქტზე გამოძიება დაიწყო.
როგორც „ექსპრესნიუსს“ შინაგან საქმეთა სამინისტროში განუცხადეს, მომხდართან დაკავშირებით შ გამოძიება, სისხლის სამართლის კოდექსის 239-ე მუხლით დაიწყო, რაც ცეცხლსასროლი იარაღით განხორციელებულ ხულიგნობას გულისხმობს.
ცნობისთვის, ახალგაზრდებს შორის დაპირისპირებისა და სროლის ამსახველი ვიდეოკადრები სოციალურ ქსელში გუშინ გავრცელდა.
კადრებში ჩანს, თუ როგორ ეჯახება გამიზნულად ერთ-ერთი ავტომობილი მეორეს, ქვეითად მყოფები კი მანქანას ფეხებსა და ხელებს ურტყამენ. ვიდეოში ისმის ასევე სროლისა და გინების ხმა.
ავტორი: ექსპრესნიუსი,
epn.ge (@expressnews.ge)
