2023-03-31 19:15:34, 1104 ნახვა
საზოგადოება
თბილისში, სასტუმრო „ამბასადორში“ გაჩენილი ხანძარი ლოკალიზებულია
თბილისში, სასტუმრო „ამბასადორში“ ხანძარი ლოკალიზებულია. - ამის შესახებ, საგანგებო სიტუაციების მართვის სამსახურში "ექსპრესნიუსს" განუცხადეს.
ადგილზე შინაგან საქმეთა სამინისტროს საგანგებო სიტუაციების მართვის სამსახურის 16 სახანძრო-სამაშველო ეკიპაჟი მუშაობს.
როგორც შინაგან საქმეთა სამინისტროში აცხადებენ, პირველადი ინფორმაციით, ცეცხლი გაჩნდა 4-სართულიანი შენობის მესამე და მეოთხე სართულებზე.
ამ ეტაპზე ადგილზე რჩებიან მეხანძრე-მაშველები და მიმდინარეობს სალიკვიდაციო სამუშაოები.
ადგილზე ასევე მობილიზებული არიან საპატრულო პოლიციის და შინაგან საქმეთა სამინისტროს სხვადასხვა დანაყოფის თანამშრომლები, რომლებიც პერიმეტრს იცავენ.
ავტორი: ექსპრესნიუსი,
epn.ge (@expressnews.ge)
