საქართველოსა და ნორვეგიის ნაკრებების მატჩის დაწყებამდე გურამ კაშიას საგანგებო ჯილდო გადაეცა – უეფა-მ „ჯვაროსნების“ კაპიტანს ეროვნულ გუნდში ჩატარებული 100 მატჩისთვის დააჯილდოვა.

პირველი არხის ცნობით, ნორვეგიასთან შეხვედრა გურამ კაშიასთვის ნაკრებში ჩატარებული 103-ე შეხვედრა იყო და ამ მაჩვენებლით ის ეროვნული გუნდის რეკორდსმენია – გუნდის წინა კაპიტნებმა, ლევან კობიაშვილმა და ჯაბა კანკავამ 100-100 მატჩი ჩაატარეს.

გურამ კაშია საქართველოს ნაკრებში 2009 წლიდან თამაშობს და ამ პერიოდში ჩატარებულ 103 შეხვედრაში 3 გოლი გაიტანა.

2018 წელს უეფას გადაწყვეტილებით, Equal Game-ის ჯილდოს პირველი მფლობელი საქართველოს ეროვნული ნაკრების კაპიტანი გურამ კაშია გახდა. აღნიშნული ჯილდო იმ მოთამაშეს გადაეცა, რომელიც სამაგალითოდ მოიქცა ევროპულ ფეხბურთში ინკლუზიურობის, მრავალფეროვნებისა და ხელმისაწვდომობის პოპულარიზაციის კუთხით. გურამ კაშიას ჯილდო, მონაკოში უეფას ჩემპიონთა ლიგის წილისყრის ცერემონიაზე, საქართველოს ფეხბურთის ფედერაციის პრეზიდენტმა უეფას პრეზიდენტისგან მიიღო.

ავტორი: ექსპრესნიუსი,

სოციალური ქსელები

პუტინის უახლოეს თანამოაზრეებს შორის მისი ასაკის პირველი ადამიანი გარდაიცვალა - ივანოვი და საქართველო

საქართველოსთვის: კობახიძემ გაიფორმა თავი მოძალადე პრემიერად, ვერ გაექცევა პასუხისმგებლობას

პარლამენტის 2026 წლის საგაზაფხულო სესია ხელჩართული ჩხუბით დაიხურა

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს