საპარლამენტო პოლიტიკური ჯგუფი „ლელო" - პარტნიორობა საქართველოსთვის" პიროტექნიკის აკრძალვასთან დაკავშირებით კანონპროექტს აინიცირებს, - ამის შესახებ პოლიტიკური ჯგუფის  წევრმა, ანა ნაცვლიშვილმა მედიასთან შეხვედრისას განაცხადა.

ნაცვლიშვილის თქმით, პიროტექნიკა საფრთხეს უქმნის ადამიანის ჯანმრთელობას, აბინძურებს გარემოს, საფრთხეს უქმნის ცხოველებსა და ფრინველებს.

„ჩვენი კანონპროექტი გულისხმობს პიროტექნიკის შეძენა, შენახვა, რეალიზაციის ფაქტობრივად სრულ აკრძალვას, ვინაიდან პიროტექნიკა საფრთხეს უქმნის ადამიანის ჯანმრთელობას, აბინძურებს გარემოს, საფრთხეს უქმნის ცხოველებსა და ფრინველებს", - განაცხადა ანა ნაცვლიშვილმა.

როგორც დეპუტატმა აღნიშნა, კანონპროექტი ითვალისწინებს ორ გამონაკლისს: ეს არის F1 კატეგორიის პიროტექნიკა, რომლის უსაფრთხოების მანძილია 1 მეტრი, ან ნაკლები და მისი გამოყენება შესაძლებელია დახურულ სივრცეში. მეორე კატეგორიის პიროტექნიკის გამოყენება კი დასაშვები იქნება მხოლოდ მთავრობის განკარგულების საფუძველზე, ერთჯერადად განსაკუთრებულ შემთხვევებში.

პოლიტიკური ჯგუფის წევრის, არმაზ ახვლედიანის განცხადებით, კანონპროექტის ინიციატორებმა შეისწავლეს სხვადასხვა სახელმწიფოების პრაქტიკა პიროტექნიკის გამოყენებასთან დაკავშირებით და გაიარეს კონსულტაციები გარემოსდაცვით არასამთავრობო ორგანიზაციებთან.  ასევე, კანონპროექტს საფუძვლად უდევს პარლამენტის კვლევითის ცენტრის მიერ მომზადებული კვლევა საქართველოსა და ევროკავშირის სახელმწიფოებში პიროტექნიკის გამოყენების მიმართულებით  არსებულ  კანონმდებლობასთან დაკავშირებით.

„მე დარწმუნებული ვარ, რომ 2024 წელს საქართველო შეხვდება პიროტექნიკის გარეშე", - აღნიშნა არმაზ ახვლედიანმა.

ავტორი: ექსპრესნიუსი,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის