რეფორმების კუთხით პროგრესი კვლავ გადამწყვეტია, - ევროპული საბჭოს პრეზიდენტი შარლ მიშელი ბრიუსელში საქართველოს პრეზიდენტთან შეხვედრის შემდეგ განცხადებას ავრცელებს. 

როგორც შარლ მიშელი წერს, ევროკომისიის გადაწყვეტილება, რომ საქართველოს ევროპული პერსპექტივა მიანიჭოს, ისტორიული შესაძლებლობაა, რომელიც ქვეყანამ ხელიდან არ უნდა გაუშვას. 

"პრეზიდენტ სალომე ზურაბიშვილს კიდევ ერთხელ დავუდასტურე ევროკავშირის ერთგულება საქართველოს ევროპულ გზაზე. მე ასევე მივესალმე მის როლს საქართველოს ხალხის მისწრაფებების წინსვლაში.

ევროკომისიის გადაწყვეტილება საქართველოს მიანიჭოს ევროპული პერსპექტივა არის ისტორიული შესაძლებლობა, რომელიც ხელიდან არ უნდა იქნას გაშვებული. 

რეფორმების კუთხით პროგრესი კვლავ გადამწყვეტია",- წერს შარლ მიშელი. 

აღსანიშნავია, რომ მანამდე საქართველოს პრეზიდენტი სამუშაო ვიზიტით აშშ-ში იმყოფებოდა და  ეროვნული უსაფრთხოების საკითხებში აშშ-ის პრეზიდენტის მრჩეველს, ჯეიკ სალივანს შეხვდა, ასევე მონაწილეობა მიიღო ნიუ იორკში, გაერო-ს ეკონომიკური და სოციალური საბჭოს ქალთა სტატუსის შესახებ კომისიის 67-ე სესიაში.

ავტორი: ექსპრესნიუსი,

სოციალური ქსელები

კობახიძემ მოიტყუა როცა თქვა, რომ 2011 წლის აქციის დარბევაზე დასავლეთს და ევროპულ სტრუქტურებს რეაქცია არ ჰქონიათ

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა