არ დაიჯეროთ ბიძინას ნაბიჭვრების განცხადებები, რომ კანონი რუსულისგან განსხვავდება,-  ამის შესახებ "გირჩი-მეტი თავისუფლების" ლიდერი, ზურაბ ჯაფარიძე სოციალურ ქსელში წერს.

მისი თქმით, "ხალხის ძალის" კანონპროექტს ორი მიზანი აქვს, ერთი მოკლევადიანი, მეორე გრძელვადიანი. 

"ამ კანონს აქვს ორი მიზანი, ერთი მოკლევადიანი, მეორე გრძელვადიანი. 

მოკლევადიანი მიზანია ბიძინამ მოსინჯოს, მოახერხებს თუ არა აღვირი ამოსდოს სამოქალაქო სექტორს, რითიც კიდევ ერთხელ გააწნის სილას დასავლეთს და საბოლოოდ დაუსვამს წერტილს ევროკავშირის წევრობის კანდიდატის სტატუსის საკითხს. გრძელვადიანი მიზანია სამოქალაქო სექტორის, როგორც საზოგადოებრივ აზრზე გავლენის მქონე აქტორის, ნეიტრალიზაცია. 

ტაქსების რეფორმასავითაა - ჯერ აიძულეს რეგისტრაცია, მერე გადაღებეს (და არა მხოლოდ). 

ასე მოხდა რუსეთში, ასე აპირებენ აქაც. 

ამიტომ, არ დაიჯეროთ ბიძინას უსინდისო ნაბიჭვრების განცხადებები თითქოს ეს კანონი განსხვავდება რუსულისგან, თავიდან იქაც მხოლოდ სავალდებულო რეგისტრაცია იყო.

აქვე - "ვაიმე, აბა არ უნდა ვიჩოდეთ ვინ შაიდან ფინანსდება?" ხალხი ხართ *ლეები და ნუ შეგროვდებით ამ სტატუსის ქვემოთ"- წერს ჯაფარიძე.

ცნობისთვის, "ხალხის ძალის" წარმომადგენლებმა 15 თებერვალს გამართულ საგანგებო ბრიფინგზე განაცხადეს, რომ პარლამენტში „უცხოური გავლენის გამჭვირვალობის შესახებ“ კანონპროექტს დააინიცირებენ. ანტიდასავლურ მოძრაობაში ამბობენ, რომ შეიქმნება უცხოური გავლენის აგენტების რეესტრი, სადაც დარეგისტრირდება ყველა ის არასამეწარმეო იურიდიული პირი და მედიასაშუალება, რომელთა შემოსავლების 20%-ზე მეტი უცხოური ძალების მიერ ფინანსდება.

აღნიშნული კანონპროექტის ინიცირებას გამოეხმაურა ამერიკის შეერთებული შტატების სახელმწიფო დეპარტამენტის პრესსპიკერი ნედ პრაისი, რომელმაც განაცხადა, რომ "ასეთ კანონს შეუძლია პოტენციური საფრთხე შეუქმნას საქართველოს ევროატლანტიკურ ინტეგრაციას". 

ამასთან, როგორც გუშინ მმართველი პარტიის დეპუტატმა, მამუკა მდინარაძემ განაცხადა "ქართული ოცნება" „უცხოური აგენტების შესახებ“ შესახებ კანონპროექტს მხარს დაუჭერს.

ავტორი: ექსპრესნიუსი,

სოციალური ქსელები

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკი ქმნის ინკლუზიურ საბანკო მომსახურებას