თურქეთში ორი ძლიერი მიწისძვრის შედეგად დაღუპულთა რაოდენობამ 41 020-ს მიაღწია. აღნიშნულ ინფორმაციას თურქეთის სახელმწიფო სააგენტო "ანადოლუ" ქვეყნის კატასტროფების მართვის სააგენტოზე დაყრდნობით ავრცელებს. 

როგორც უწყებაში აცხადებენ, სტიქიის ზონაში, გარდა კაჰრამანმარაშისა და ჰათაის პროვინციისა, სამძებრო-სამაშველო სამუშაოები დასრულებულია. 

მიწისძვრით დაზარალებული პროვინციებიდან ევაკუირებულია 460 900-ზე მეტი ადამიანი, დაზარალებულთა საერთო რაოდენობამ კი 13 მლნ-ს გადააჭარბა. 

კატასტროფების მართვის სააგენტოს ინფორმაციით, მიწისძვრებს 6 210-ზე მეტი ბიძგი მოჰყვა.

შეგახსენებთ, რომ 6 თებერვალს თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. ​აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე, 17,9 კმ სიღრმეზე, ქალაქ გაზიანტეპთან დაფიქსირდა.

მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა დაფიქსირდა. სეისმოლოგიის დამოუკიდებელი სამეცნიერო ორგანიზაციის ცნობით, მიწისძვრის ეპიცენტრი ქვეყნის ცენტრალურ ნაწილში იყო.

ამასთან, ბოლო მონაცემებით, თურქეთში მიწისძვრას საქართველოს 5 მოქალაქეც ემსხვერპლა.

ავტორი: ექსპრესნიუსი,

სოციალური ქსელები

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა