ყაზახეთის ექსპრეზიდენტმა ნურსულთან ნაზარბაევმა დაკარგა „ელბაზის“ („ერის ლიდერი“) ტიტული, რომელსაც 2010 წლიდან ატარებდა და ახლა მას ასევე არ აქვს უფლება ინიციატივებით მიმართოს ხალხს, სახელმწიფო ორგანოებსა და ოფიციალურ პირებს.  შესაბამის კანონს ხელი ყაზახეთის პრეზიდენტმა კასიმ-ჟომარტ ტოკაევმა მოაწერა.

ასევე, დოკუმენტს, რომლის მიხედვითაც ნაზარბაევის დაკავება, ჩხრეკა და დაკითხვა არ შეიძლებოდა, ვადა გაუვიდა. ნაზარბაევი ექვემდებარება კონსტიტუციით და კანონით „პრეზიდენტის შესახებ“ დადგენილ ზოგად გარანტიებს ქვეყნის ყველა ყოფილი ლიდერისთვის.

იანვარში ყაზახეთის პარლამენტმა კანონი „ელბასის შესახებ“ ძალადაკარგულად გამოაცხადა, შემდეგ კი საპატიო სენატორის ტიტულიც, რომელიც ნაზარბაევს 2019 წლიდან ჰქონდა, გაუქმდა. 2022 წელს ყაზახეთმა მიიღო ცვლილებები, რომლებმაც გააუქმეს ნაზარბაევთან ძირითადი პოლიტიკის მიმართულებების კოორდინაციის აუცილებლობა და გააუქმეს ნაზარბაევის უვადო თავმჯდომარეობა სახალხო კრებასა და უშიშროების საბჭოში. რამდენიმე თვის შემდეგ გაირკვა, რომ ხელისუფლებამ ყაზახეთის ხაზინას თითქმის 500 მილიონი დოლარი დაუბრუნა ნაზარბაევის ნათესავებთან დაკავშირებული სისხლის სამართლის საქმეების გამოძიების დროს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს