ამერიკის შეერთებული შტატები უკრაინის დასახმარებლად 10 მილიარდი დოლარის ოდენობის ეკონომიკური დახმარების პაკეტს ამზადებს. როგორც Sky News-ი ამერიკელ მაღალჩინოსნებზე დაყრდნობით წერს, უკრაინის მთავრობა ახალ პაკეტს პირდაპირი საბიუჯეტო დახმარების სახით მიიღებს.

როგორც გამოცემა წერს, მაღალჩინოსნები ამბობენ, რომ პრეზიდენტ ბაიდენის ადმინისტრაცია, უკრაინის ომის ერთი წლისთავთან დაკავშირებით, უკრაინის მხარდამჭერ რამდენიმე განცხადებას ამზადებს.

წყაროების ცნობით, ეს განცხადებები რუსეთის წინააღმდეგ ახალ სანქციებსა და პოტენციურად 10 მილიარდი დოლარის დახმარების პაკეტს მოიცავს.

ოფიციალური პირების თქმით, აშშ უახლოეს დღეებში უკრაინისთვის სამხედრო დახმარების კიდევ ერთი დიდი პაკეტის შესახებ გამოაცხადებს, თუმცა აღნიშნულ პაკეტში არ იქნება გათვალისწინებული F-16 მოიერიშე თვითმფრინავები, რომლებიც პრეზიდენტმა, ვოლოდიმირ ზელენსკიმ მოითხოვა.

ავტორი: ექსპრესნიუსი,

სოციალური ქსელები

კიევში 21 აგვისტო გლოვის დღედ გამოცხადდა

ზელენსკი: სანამ უკრაინას არ ექნება საკმარისი ანტიბალისტიკური თავდაცვა, რუსეთი სერიოზულად არ განიხილავს მშვიდობას

ქარელში თანასოფლელი მძიმედ დაჭრა - შიდა ქართლის პოლიციამ 1 პირი დააკავა

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის