2023-02-14 20:45:21, 1418 ნახვა
ომი უკრაინაში
მარკ მილი - რუსეთმა ომი სტრატეგიულად,ოპერატიულად და ტაქტიკურად წააგო
პუტინი ფიქრობდა, რომ შეეძლო უკრაინის სწრაფად დამარცხება, ნატოს გახლეჩვა და დაუსჯელად მოქმედება. ის შეცდა, - ამის შესახებ აშშ-ის შეიარაღებული ძალების მეთაურთა გაერთიანებული კომიტეტის ხელმძღვანელმა, გენერალმა მარკ მილმა განაცხადა.
მისივე თქმით, რუსეთმა ომი სტრატეგიულად,ოპერატიულად და ტაქტიკურად წააგო და ბრძოლის ველზე უზარმაზარ ფასს იხდის.
„უკრაინა რჩება თავისუფალი და დამოუკიდებელი. ნატო არასდროს ყოფილა ასეთი ძლიერი. მსოფლიო რჩება შთაგონებული უკრაინელების სიმამაცითა და გამძლეობით. რუსეთმა წააგო - წააგო სტრატეგიულად, ოპერატიულად და ტაქტიკურად და უზარმაზარ ფასს იხდის ბრძოლის ველზე“, - განაცხადა მან.
ავტორი: ექსპრესნიუსი,
epn.ge (@expressnews.ge)
