2023-02-14 16:59:47, 1143 ნახვა
მსოფლიო
ყირგიზეთის ყოფილი პრეზიდენტი საზღვარგარეთ მკურნალობის მიზნით ციხიდან გაათავისუფლეს
ყირგიზეთის ყოფილი პრეზიდენტი ალმაზბეკ ატამბაევი საზღვარგარეთ მკურნალობის მიზნით ციხიდან გაათავისუფლეს. აღნიშნული გადაწყვეტილება ყირგიზეთის უზენაესმა სასამართლომ მიიღო.
სასამართლომ ალმაზბეკ ატამბაევს სასჯელი გააუქმა და ახლად აღმოჩენილი ინფორმაციის მოტივით, ხელახლა განსახილველად გაგზავნა.
გარდა ამისა, ყირგიზეთის ყოფილ პრეზიდენტს მიენიჭა ნებართვა, დაეტოვებინა ქვეყანა სამკურნალოდ.
ალმაზბეკ ატამბაევი პრეზიდენტის თანამდებობას 2011-2017 წლებში იკავებდა. ის 2019 წელს მას შემდეგ დააკავეს, რაც თავის მემკვიდრეს, სორონბაი ჟინბეკოვს დაუპირისპირდა. 2020 წელს ყირგიზეთის ყოფილ პრეზიდენტს 11 წლით თავისუფლების აღკვეთა მიესაჯა.
ავტორი: ექსპრესნიუსი,
epn.ge (@expressnews.ge)
