სირიის მთავრობა, მიწისძვრის შედეგად დაზარალებული მოსახლეობისთვის ჰუმანიტარული დახმარების მისაწოდებლად, კიდევ ორი სასაზღვრო-გამშვები პუნქტის გახსნას დათანხმდა. აღნიშნულ ინფორმაციას BBC გაერთიანებული ერების ორგანიზაციაზე დაყრდნობით ავრცელებს.

გაერო-ს ცნობით, თურქეთის საზღვართან მდებარე ბაბ-ალ-სალამისა და ალ-რაეს გამშვები პუნქტები, 3 თვით გაიხსნება.

"ეს ბევრ რამეს შეცვლის. ჩვენ ამჟამად, მხოლოდ ერთ სასაზღვრო კორიდორს ვიყენებდით", - უთხრა BBC-ს გაერო-ს გენერალური მდივნის წარმომადგენელმა, ანტონიო გუტერეშმა.

როგორც BBC წერს, სირიის მთავრობა სამძებრო-სამაშველო სამუშაოებისა და ჰუმანიტარული დახმარების მიწოდების დროს არსებულ სირთულეებსა და შეფრეხებებს დასავლეთის მიერ დაწესებულ სანქციებს უკავშირებს. საერთაშორისო ორგანიზაციები კი აცხადებენ, რომ მთავარი დამაბრკოლებელი ფაქტორი ყველა სფეროში ბაშარ ალ-ასადის მთავრობის არასწორი მართვაა.

თურქეთსა და სირიაშიი მიწისძვრის შედეგად დაღუპულთა რიცხვი 37 000-ს აჭარბებს. დამანგრეველ სტიქიას თურქეთში 31 643, ხოლო სირიაში 5 700 ადამიანი ემსხვერპლა. 

როგორც BBC საერთაშორისო ორგანიზაციებზე დაყრდნობით წერს, თურქეთში მილიონზე მეტი ადამიანი უსახლკაროდაა დარჩენილი, სირიაში კი, ეს რიცხვი, შესაძლოა, ბევრად მეტი იყოს. 

შეგახსენებთ, რომ 6 თებერვალს თურქეთის სამხრეთ-აღმოსავლეთ ნაწილში, სირიის საზღვართან ახლოს 7.8 მაგნიტუდის სიმძლავრის მიწისძვრა მოხდა. ​აშშ-ის გეოლოგიური სამსახურის ცნობით, მიწისძვრა ადგილობრივი დროით 04:17 საათზე 17,9 კმ სიღრმეზე ქალაქ გაზიანტეპთან დაფიქსირდა.

მოგვიანებით, ადგილობრივი დროით 13:24 საათზე თურქეთში კიდევ ერთი 7.8 მაგნიტუდის სიმძლავრის მიწისძვრა დაფიქსირდა. სეისმოლოგიის დამოუკიდებელი სამეცნიერო ორგანიზაციის ცნობით, მიწისძვრის ეპიცენტრი ქვეყნის ცენტრალურ ნაწილში იყო.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს