2023-01-26 19:01:32, 1265 ნახვა
ომი უკრაინაში
ბრიტანეთის თავდაცვა - ვიმედოვნებთ, რომ Challenger 2 ტანკები უკრაინაში მარტის ბოლომდე ჩავა
დიდი ბრიტანეთი იმედოვნებს, რომ Challenger 2 ტიპის ტანკები, რომლებსაც ის უკრაინას აწვდის, ქვეყანაში მარტის ბოლომდე ჩავა, - ამის შესახებ ბრიტანეთის თავდაცვის დეპარტამენტის მინისტრმა, ალექს ჩალკმა განაცხადა.
მისივე თქმით, მარტის ბოლომდე უკრაინელი სამხედროები ინტენსიურად გაივლიან ტრენინგებს მანქანების ექსპლუატაციისა და ტექნიკური მომსახურების საკითხებში.
"განზრახვა არის, რომ ეს მარტის ბოლომდე მოხდეს", - განუცხადა მან პარლამენტს კითხვის საპასუხოდ, თუ როდის ჩავიდოდა ტანკები უკრაინაში.
შეგახსენებთ, ბრიტანეთმა განაცხადა, რომ უკრაინას გაუგზავნის Challenger ტიპის 14 მთავარ საბრძოლო ტანკს და დამატებით საარტილერიო მხარდაჭერას.
ავტორი: ექსპრესნიუსი,
epn.ge (@expressnews.ge)
