აშშ-ს სახელმწიფო მდივანმა და იაპონიის საგარეო საქმეთა მინისტრმა, უსაფრთხოების საკითხებზე, აშშ-იაპონიის საკონსულტაციო კომიტეტის სხდომა გამართეს. 

სხდომაზე ქვეყნებმა რუსეთის ქმედებები დაგმეს და უკრაინის მხარდაჭერა გამოხატეს.

„ჩვენ უკრაინის გვერდით ვდგავართ პრეზიდენტ პუტინის ომის წინააღმდეგ, რომელიც საფრთხეს უქმნის პრინციპებს, რომლებიც ეფუძნება წესებზე დაფუძნებულ საერთაშორისო წესრიგს - მათ შორის, რომ ყველა ერს უნდა შეეძლოს საკუთარი გზის განსაზღვრა და ჰქონდეს სუვერენიტეტის, დამოუკიდებლობისა და ტერიტორიული მთლიანობის უფლება”,- განაცხადა ენტონი ბლინკენმა. 

ბლინკენმა ხაზგასმით აღნიშნა, რომ როდესაც ერები ერთად არიან, ისინი ძლიერდებიან.

იოში ჰაიაშიმ, თავის მხრივ, დაადასტურა, რომ რუსეთის ფედერაციის აგრესია უკრაინის წინააღმდეგ „არყევს საერთაშორისო წესრიგის საფუძვლებს“.

მან აღნიშნა, რომ ვაშინგტონში შეხვედრის დროს მხარეებმა დაიკავეს საერთო პოზიცია, რომ რუსეთის ფედერაცია მიმართავს „უგუნურ ბირთვულ რიტორიკას და თავდასხმებს სამოქალაქო ინფრასტრუქტურაზე“. გარდა ამისა, მისი თქმით, ვაშინგტონი და ტოკიო შეთანხმდნენ "უკრაინისადმი ძლიერი მხარდაჭერის გაგრძელების აუცილებლობაზე".

ამავდროულად, ჰაიაშიმ ხაზგასმით აღნიშნა, რომ იაპონიასა და შეერთებულ შტატებს საერთო შეშფოთება აქვთ ჩინეთსა და რუსეთს შორის თანამშრომლობის გაძლიერებასთან დაკავშირებით.

შეხვედრაზე მხარეებმა განიხილეს სხვა საკითხები, მათ შორის უსაფრთხოების ვითარება წყნარი ოკეანის რეგიონში, დემოკრატიული ღირებულებებისა და ადამიანის უფლებების მხარდაჭერა, მსოფლიოში კანონის უზენაესობის დაცვა და გლობალური გამოწვევების დაძლევა.

ავტორი: ექსპრესნიუსი,

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა