სრულმასშტაბიანი ომის დაწყებიდან რუსეთის ფედერაციამ უკრაინაში 700-ზე მეტი კრიტიკული ინფრასტრუქტურის ობიექტი დააზიანა,- ამის შესახებ შინაგან საქმეთა მინისტრის პირველმა მოადგილემ, ევგენი ენინმა United News-ის ეთერში განაცხადა.

მისი თქმით, დაზიანებულ ობიექტებს შორისაა გაზსადენები, ხიდები და ა.შ.

„შეჭრის დაწყებიდან 702 კრიტიკული ინფრასტრუქტურის ობიექტი დაზარალდა. საუბარია გაზსადენებზე, ელექტროქვესადგურებზე, ხიდებზე და ა.შ“,- განაცხადა ენინმა.

მისივე თქმით, უკრაინაში რუსეთის თავდასხმების შედეგად 35000-ზე მეტი ობიექტი განადგურდა და მხოლოდ ბოლო დღე-ღამის განმავლობაში უკრაინელმა სამართალდამცველებმა 27 დასახლებული პუნქტის მისამართით ცეცხლის გახსნის შესახებ მიიღეს ინფორმაცია.

შეგახსენებთ, რომ უკრაინის შეიარაღებული ძალების გენერალური შტაბის ინფორმაციით, უკრაინას კვლავ ემუქრება სარაკეტო თავდასხმები კრიტიკულ ინფრასტრუქტურაზე.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე