2022-12-27 13:27:49, 781 ნახვა
საზოგადოება
თსუ-ს რექტორად ჯაბა სამუშია აირჩიეს
ივანე ჯავახიშვილის სახელობის თბილისის სახელმწიფო უნივერსიტეტის 30-ე რექტორად ჯაბა სამუშია აირჩიეს. რექტორის არჩევნები, სადაც განცხადება მხოლოდ ერთ კანდიდატს, რექტორის მოვალეობის შემსრულებელს, ჯაბა სამუშიას ჰქონდა შეტანილი, ცოტა ხნის წინ დასრულდა.
სახელმწიფო უნივერსიტეტის რექტორი აკადემიურმა საბჭომ სიითი შემადგენლობის ხმათა უმრავლესობით აირჩია.
აღსანიშნავია, რომ არჩევნები პროტესტის ფონზე მიმდინარეობდა. სტუდენტები ერთ კანდიდატსა და რექტორის არჩევის წესს აპროტესტებდნენ და აცხადებდნენ, რომ სამუშია "გარედან მართული და დასმულია".
შეგახსენებთ, თსუ-ს რექტორის პოსტი ვაკანტური მას შემდეგ გახდა, რაც 7 ოქტომბერს, გიორგი შარვაშიძემ აკადემიურ საბჭოს გადადგომის თხოვნით მიმართა.
ავტორი: ექსპრესნიუსი,
epn.ge (@expressnews.ge)
