მარიუპოლში რუსმა ოკუპანტებმა დრამატული თეატრის შენობის დანგრევა დაიწყეს. ამის შესახებ ინფორმაციას მარიუპოლის მერის მრჩეველი, პიოტრ ანდრიუშჩენკო ავრცელებს. 

ანდრიუშჩენკოს თქმით, ორ დღეში შენობის "ფიზიკური მეხსიერებაც კი არ დარჩება".

"მიუხედავად იმისა, რომ მარიუპოლი კულტურულ დეოკუპაციაზე ფიქრობს, მარიუპოლში ოკუპანტებმა დაანგრიეს დრამატული თეატრის ნახევარი. მათ უბრალოდ მიწამდე გაასწორეს შენობა" , - თქვა პიოტრ ანდრიუშჩენკომ.

შეგახსენებთ, რომ 16 მარტს მარიუპოლში, დრამატული თეატრის შენობას რუსულმა თვითმფრინავმა ბომბები დაუშინეს, სადაც ასობით მშვიდობიანი მოქალაქე იმალებოდა. ვარაუდობენ, რომ ნანგრევების ქვეშ 300-მდე ადამიანი დაიღუპა.

31 აგვისტოს უკრაინის შეიარაღებული ძალების სტრატეგიული კომუნიკაციების დეპარტამენტმა გაავრცელა ინფორმაცია, რომ რუსი დამპყრობლები თეატრში დაღუპულთა ცხედრებს ბეტონს ასხამდნენ და მათეთრებლით ცდილობდნენ გვამური სუნის აღმოფხვრას.

ავტორი: ექსპრესნიუსი,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე