5 დეკემბერს უკრაინამ რუსეთის ორ საჰაერო ბაზას მოდიფიცირებული საბჭოთა Tu-141 Strizh დრონების გამოყენებით შეუტია. ამის შესახებ Politico წერს. 

გამოცემას ანონიმურ წყაროზე დაყრნობით წერს, რომ უკრაინამ დიაგილევისა და ენგელსის საავიაციო ბაზებზე თავდასხმისთვის გამოიყენა საბჭოთა დროიდან შემორჩენილი მოდიფიცირებული ოპერატიულ-ტაქტიკური სადაზვერვო თვითმფრინავები Tu-141. 

Politico აღნიშნავს, რომ ეს აჩვენებს უკრაინის თავდაცვის ინდუსტრიის უნარს ინოვაციებისკენ, მაშინაც კი, როდესაც რუსეთი იაფფასიან ირანულ თვითმფრინავებს ყიდულობს. ასევე, აეროდრომებზე თავდასხმა მეტყველებს იმაზე, რომ შეიარაღებულ ძალებს შეუძლიათ დარტყმა განახორციელონ რუსეთის ტერიტორიაზე.

გამოცემა აღნიშნავს, რომ „უკრობორონპრომი“ რამდენიმე თვის განმავლობაში აცხადებდა, რომ დაახლოებით ათასი კმ დიაპაზონის დრონების შექმნის პროგრამაზე მუშაობდა, თუმცა პროექტის დეტალებს არ ასაჯაროებდა. ოქტომბერში კომპანიამ განაცხადა, რომ პროექტზე მუშაობა დასრულებული იყო. 

ცნობისთვის, Tu-141 „Stryzh“ არის 70-იანი წლების დრონი, რომელსაც შეუძლია ტრანსონური სიჩქარის განვითარება 950-1100 კმ/სთ და შეუძლია ფრენა 10 მეტრამდე სიმაღლეზე. ფრენის დიაპაზონი 1000 კმ-მდეა. გამოცემა ვარაუდობს, რომ საბჭოთა დრონებს Tu-141 "Stryzh" და Tu-143 "Reis" შეეძლოთ მიეღოთ ახალი სანავიგაციო აღჭურვილობა უფრო ზუსტი დარტყმისთვის.

შეგახსენებთ, რომ 5 დეკემბრის ღამეს რუსეთის ფედერაციის სარატოვის ოლქში ენგელსის აეროდრომზე დრონებით თავდასხმა მოხდა, აფეთქება იყო რუსეთის ქალაქ რიაზანთან მდებარე აეროდრომზეც და ქალაქ კურსკთან მდებარე რაიონში.

რუსეთის თავდაცვის სამინისტროში აცხადებდნენ, რომ დარტყმა განხორციელდა "საბჭოთა წარმოების უპილოტო საფრენი აპარატებით", რომლებიც, სავარაუდოდ, უკრაინამ გაუშვა.

ავტორი: ექსპრესნიუსი,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა