2022-11-28 21:01:10, 918 ნახვა

---

მდინარაძე - რადიკალურ ოპოზიციას, მათ შორის ეკლესიის და ქვეყნის მტრებს, ვინმე თუ არ მოეწონებათ, არქმევენ რუსულს, რაც მდაბიო პიარკამპანიაა

რადიკალურ ოპოზიციას, მათ შორის ეკლესიის და ქვეყნის მტრებს, ვინმე თუ არ მოეწონებათ, არქმევენ რუსულს, რაც მდაბიო პიარკამპანიაა. - ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა.

მისივე თქმით, ეკლესიის წარმომადგენლის „ფეისბუქ“ პოსტზე რეაქციებით გამოჩნდა ფსევდოლიბერალების აგრესია.

„ჩვენს რადიკალურ ოპოზიციას, მათ შორის ეკლესიის და საკუთარი ქვეყნის მტრებს, ყველა შემთხვევაში ნამდვილად არ ელანდებათ რუსეთი, თუმცა პიარში მეტი ფანტაზიის უნარი უკვე აღარ აქვთ. რამე ან ვინმე არ მოეწონებათ და არქმევენ რუსულს. ეს არის ყველაზე მდაბიო პიარკამპანია. მთელი მათი ხაზია – თუ ვინმე არ მოგწონს, პირდაპირ დაარქვი რუსეთის და რუსული. მათ შორის არის ეკლესიაც, აყენებენ უდიდეს შეურაცხყოფას, პირდაპირ ებრძვიან". - ნათქვამია განცხადებაში.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი