დიდი ბრიტანეთის ყოფილმა ფინანსთა მინისტრმა, რიში სუნაკმა ოფიციალურად დაადასტურა, რომ პრემიერ-მინისტრის პოსტზე კენჭს იყრის. ამის შესახებ სუნაკმა Twitter-ზე დაწერა.

„გაერთიანებული სამეფო შესანიშნავი ქვეყანაა, მაგრამ ჩვენ ღრმა ეკონომიკური კრიზისის წინაშე ვდგავართ. ამიტომ კენჭს ვიყრი, რომ გავხდე კონსერვატიული პარტიის ლიდერი და თქვენი მომავალი პრემიერ-მინისტრი", - წერს სუნაკი. 

სუნაკის გარდა, თემთა პალატის ლიდერმა, პენი მორდაუნტმა განაცხადა, რომ აპირებს კენჭისყრას. კენჭისყრას, სავარაუდოდ, გეგმავს ყოფილი პრემიერი ბორის ჯონსონიც, რომელიც The Telegraph-ის ცნობით, კარიბის ზღვის კუნძულებიდან ბრუნდება, რომ ბრიტანეთის პრემიერობისთვის იბრძოლოს.

აღსანიშნავია, რომ სუნაკი ჯონსონის შემცვლელის შერჩევისას, ლიზ ტრასთან ბრძოლაში დაამარცხდა. ტრასი კი, 45-დღიანი პრემიერობის შემდეგ, თანამდებობიდან 20 ოქტომბერს გადადგა. 

ლიზ ტრასი დიდი ბრიტანეთის პრემიერ-მინისტრი 5 სექტემბერს გახდა. მან აღნიშნულ თანამდებობაზე ბორის ჯონსონი შეცვალა. 

ყოფილ საგარეო საქმეთა მინისტრს პარტიის 173 000-მდე წევრიდან  81 326-მა დაუჭირა მხარი. მისმა მეტოქემ, რიში სუნაკმა კი 60 399 ხმა მიიღო.

ამას წინ უძღოდა 6 ივნისი, როდესაც დიდი ბრიტანეთის კონსერვატიული პარტიის წევრებმა პრემიერ-მინისტრ ბორის ჯონსონს უნდობლობა გამოუცხადეს და მას თანამდებობის დატოვება მოუწია.

ავტორი: ექსპრესნიუსი,

სოციალური ქსელები

რუსეთის მთავრობამ გადაწყვიტა, ბენზინის ფასების ზრდის შესახებ მონაცემები გაასაიდუმლოს

კობახიძემ ივანიშვილის დაფუძნებულ ე.წ ქუთაისის საუნივერსიტეტო ქალაქს ბიუჯეტიდან 106 530 ლარი გამოუყო

ჟურნალისტ როგავამ ეჭვი შეიტანა დაკავებული სპეცრაზმელის თავდასხმაში მონაწილეობაში

ახალი კონფლიქტი: ვარშავამ კიევი ისტორიულ პროვოკაციაში დაადანაშაულა