რაც თქვენ იკადრეთ გასულ კვირას ევროპის საბჭოში ეგეც ანტისახელმწიფოებრივი იყო და თუ გინდათ ანტიდასავლურიც და ანატიუკრაინულიც  იმიტომ, რომ ისეთი საკითხი შემოიტანეთ რეზოლუციაში, რომელმაც ისეთ თემაზეც კი, რაც უკრაინის მხარდაჭერაა, ადამიანებს კითხვის ნიშნები გაუჩინა. - ამ სიტყვებით მიმართა პარლამენტის თავმჯდომარის მოადგილემ, არჩილ თალაკვაძემ ოპოზიციას  საგარეო საქმეთა მინისტრის, ილია დარჩიაშვილის პარლამენტში, მინისტრის საათის ფორმატში გამოსვლის შემდეგ.

მისივე თქმით, სააკაშვილი  პუტინის მთავარი მოკავშირე იყო და რეზოლუციაშიც არ უნდა მოხვედრილიყო იმიტომ, რომ საქმეები რაც „ნაციონალურ მოძრაობამ" გააკეთა მისი მეთაურობით მხოლოდ და მხოლოდ რუსეთს აწყობდა საქართველოში და იყო ანტიევროპული.

„როდესაც ადამიანის უფლებები ირღვევა ეს ანტიევროპულია, ადამიანებს როცა აწამებენ - ანტიევრუპულია, ქონებას როცა ართმევენ ღამღამობით პროკურატურაში - ანტიევროპულია და მაშინ მითხარით  ვის აწყობდა, რომ ეს ყველაფერი საქართველოში მომხდარიყო? ევროპას  თუ ამერიკას? ერთადერთი აწყობდა რუსეთს და მათ შორის, სოფლების და ტერიტორიების დაკარგვის ჩათვლით, ეს გაკეთა „ნაციონალურმა მოძრაობამ" თავის ლიდერის, სააკაშვილის ხელმძღვანელობით", - აღნიშნა პარლამენტის თავმჯდომარის მოადგილემ.
უკრაინის მხარდაჭერაზე საუბრისას, არჩილ თალაკვაძემ განაცხადა, რომ „ნაციონალური მოძრაობა" ამ კუთხით დემაგოგიურ განცხადებებს აკეთებს.
„საქართველოს დელეგაცია უკრაინაში რომ ჩავიდა - ბუჩასა და ირპინში, როდესაც ჩვენ პარლამენტის თავმჯდომარის ხელმძღვანელობით ჩვენი მეგობრების მხარდასაჭერად  ვიყავით, „ნაციონალური მოძრაობა" საერთოდ არ იყო იმ დელეგაციაში. ხომ არ გგონიათ რომ ჩვენ დავუშალეთ დელეგაციაში მონაწილეობა? ეს თქვენი გადაწყვეტილება იყო და თქვენ თქვით უარი იქ წამოსვლაზე და ამის შემდეგ კიდევ აქ გამოდიხართ და დემაგოგიურ განცხადებებს აკეთებთ, რომ თითქოს ჩვენ რამე შეგვეძლო გაგვეკეთებინა და არ გავაკეთეთ. ჩვენ გავაკეთეთ და ვაკეთებთ ყველაფერს, რაც შეგვიძლია ჩვენი უკრაინელი მეგობრების მხარდასაჭერად  და იმ შეხვედრაზე რომ დასწრებოდით, იქაც ნახავდით უკრაინის პარლამენტის თავმჯდომარის პოზიციას.
 ჩვენ პარტნიორებს აქვთ ერთადერთი ჯანსაღი პოზიცია - საქართველოს სახით უსაფრთხო, მშვიდობიანი, განვითარებული და ძლიერი მეგობარი სჭირდება დასავლეთსაც და უკრაინასაც, რომ ჩვენ შევძლოთ ამ რთული ომის პირობებში ჰუმანიტარული დახმარების მობილიზება და შევძლოთ უმძიმესი წონის მქონე რეზოლუციების მხარდაჭერა", - განაცხადა პარლამენტის თავმჯდომარის მოადგილემ.

ავტორი: ექსპრესნიუსი,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით