უკრაინის შეიარაღებულმა ძალებმა ხერსონის ოლქში კიდევ ხუთი დასახლება გაათავისუფლეს. უკრაინული მედიის ცნობით, ბერისლავის რაიონში ნოვოვასილივკას, ნოვოჰრიჰორივკას, ნოვაია კამიანკას, ტრიფონივკასა და ჩერვონის გათავისუფლება მოხდა.

სამხრეთის სარდლობის ცნობით, სამხრეთ ბუზკას საოპერაციო ზონაში ვითარება დაძაბულია, თუმცა კონტროლს ექვემდებარება.

"ჩვენმა დანაყოფებმა მიაღწიეს წარმატებას ბერისლავის რაიონში ნოვოვასილივკას, ნოვოჰრიჰორივკას, ნოვაია კამიანკას, ტრიფონივკასა და ჩერვონის განთავისუფლებაში. სოციალური და კრიტიკული ინფრასტრუქტურის რეანიმაციისთვის სტაბილიზაციის ღონისძიებები მიმდინარეობს", - აცხადებს პრესსპიკერი, ვლადისლავ ნაზაროვი.

როგორც ნაზაროვი ამბობს, თავდაცვის ძალები აგრძელებენ მოწინააღმდეგის ძალებზე ცეცხლსასროლი იარაღით შეტევას და მათ საკონტროლო სისტემებს აღვევენ.

მისივე თქმით, მოწინააღმდეგე ფრონტის ხაზისა და ახლად გათავისუფლებული 17 დასახლებული პუნქტის გარშემო  საჰაერო დაზვერვას ინტენსიურად ახორციელებს. პარალელურად, უკრაინის პოზიციების დაბომბვა გრძელდება.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია