უკრაინელები იმარჯვებენ და, რა თქმა უნდა, პუტინი საბოლოოდ დამარცხდება. - ამის შესახებ ევროპარლამენტარმა, ევროპის სახალხო პარტიის წევრმა, რასა იუკნევიჩიენმა განაცხადა.

მისივე თქმუთ, პუტინი უკრაინაში განსაკუთრებული სიმწვავის დანაშაულს სჩადის, პუტინი არის სამხედრო დამნაშავე.

„ეს [კიევისა და უკრაინის ქალაქების დაბომბვა] სასოწარკვეთილი პუტინის თავდასხმაა. ის სასოწარკვეთილია, რადგან აგებს ამ ომს წინა ხაზზე. უკრაინელები იმარჯვებენ და, რა თქმა უნდა, პუტინი საბოლოოდ დამარცხდება. მას ეს ძალიან კარგად ესმის, ამიტომ ცდილობს, რომ საკუთარი თავი ძლიერ ლიდერად დახატოს, განსაკუთრებით, რუსეთის ფარგლებს შიგნით. რა თქმა უნდა, მას სურს, რომ გაანადგუროს ისეთი ქვეყანა, როგორიც არის უკრაინა, მიაყენოს რაც შეიძლება მეტი ზიანი. 

უკრაინა საჭიროებს დაუყოვნებლივ დახმარებას, სწორედ აქ უნდა ვითანამშრომლოთ მასთან ჩვენ, NATO-ს წევრმა ქვეყნებმა. რა თქმა უნდა, მნიშვნელოვანია, რომ რაც შეიძლება სწრაფად გამოვაცხადოთ რუსეთის ფედერაცია ტერორისტულ სახელმწიფოდ. ეს არის განსაკუთრებული სიმწვავის დანაშაული, რა თქმა უნდა, პუტინი არის სამხედრო დამნაშავე, ის საკუთარ გუნდთან ერთად არის ჩართული ამ საერთაშორისო დანაშაულში კაცობრიობის წინააღმდეგ". - ნათქვამია განცხადებაში ფორმულას თარგმანი.

შეგახსენებთ, რომ დღეს 10 ოქტომბერს, დილით, უკრაინის ქალაქები დაბომბვის ქვეშ მოექცა.

მედიისა და ადგილობრივი ხელისუფლების ცნობით თავდასხმის ქვეშ მოექცა კიევი, ხმელნიცკი, ჟიტომირი, ტერნოპილი, ლვოვი, კრემენჩუგი, კრივი რიჰი, ხარკოვი, კონოტოპი, ოდესა და დნიპრო.

ამასთან აღსანიშნავია, რომ უკრაინის ქალაქებში, რუსეთის შემოჭრის დღიდან, ერთ-ერთი ყველაზე დიდი სარაკეტო თავდასხმა განხორციელდა.

უკრაინის შეიარაღებული ძალების მთავარსარდალი, ვალერი ზალუჟნის თქმით, რუსულმა ჯარებმა უკრაინას 75 რაკეტა ესროლეს. მათგან 41 უკრაინის საჰაერო თავდაცვის სისტემამ ჩამოაგდო.

ოფიციალური ინფორმაციით, თავდასხმის შემდეგ კიევში დაიღუპა 8 ადამიანი, ხოლო 24 დაშავდა

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია