შუახევის მუნიციპალიტეტის სოფელ ჯაბნიძეებში ახალი საბავშვო ბაგა-ბაღი გაიხსნა.

გახსნის საზეიმო ცერემონიას შუახევის მერი ომარ ტაკიძე, საკრებულოს თავმჯდომარე როსტომ ლორთქიფანიძე, საქართველოს პარლამენტისა და აჭარის უმაღლესი საბჭოს მაჟორიტარი  დეპუტატები ანზორ ბოლქვაძე, ფრიდონ ფუტკარაძე და სხვა ხელმძღვანელი პირები ესწრებოდნენ.

პროექტის ფარგლებში, აშენდა ერთსართულიანი კაპიტალური შენობა, მოეწყო სხვადასხვა დანიშნულების ოთახები, სველი წერტილები, სამზარეულო. დამონტაჟდა ცენტრალური გათბობის თანამედროვე სისტემა, დაცულია სახანძრო უსაფრთხოების ნორმები და შენობა ადაპტირებულია შშმ პირთათვის. კეთილმოეწყო ასევე ეზო და სათამაშო მოედანი.

დღესვე, ომარ ტაკიძე ხელისუფლების წარმომადგენლებთან ერთად, ზამლეთის თემის ბაგა-ბაღებში იმყოფებოდა და პატარებს ახალი სასწავლო-სააღმზრდელო წლის დაწყება მიულოცა.

დღეის მდგომარეობით, მუნიციპალიტეტში 14 ბაგა-ბაღი და 9 ალტერნატიული ჯგუფი ფუნქციონირებს.

ავტორი: NS (სტატია დაფინანსებულია),

სოციალური ქსელები

ტრამპმა პირობა დადო, რომ ჰორმუზის სრუტეს აშშ-ის ტერიტორიად გამოაცხადებდა

უკრაინამ „ფლამინგოს“ ტიპის რაკეტა დაარტყა სამარის კოსმოსურ ცენტრს, რომელიც რუსული Starlink-ის ეკვივალენტისთვის რაკეტებს აწარმოებს

სუს-მა დიდი ოდენობით თაღლითობისა და თაღლითობის მცდელობის ფაქტზე, საქართველოს ხუთი და თურქეთის რესპუბლიკის ერთი მოქალაქე დააკავა

სამართალდამცველებმა ჯგუფურად ჩადენილი ქურდობისა და ძარცვის ბრალდებით 5 არასრულწლოვანი დააკავეს