საქართველოს პროკურატურის თანამშრომლებმა, შაორის და ანაკლიის ახალგაზრდულ ბანაკებში, ახალგაზრდებისთვის სამართლებრივ საკითხებზე შეხვედრები გამართეს. აღნიშნულის შესახებ ინფორმაციას საქართველოს პროკურატურა ავრცელებს.

უწყების ცნობით, კულტურის, სპორტისა და ახალგაზრდობის სამინისტროს და ახალგაზრდობის სააგენტოს ორგანიზებით მოწყობილ ბანაკებში, სხვა შემეცნებით აქტივობებთან ერთად განსაზღვრული იყო სესია სამართლებრივ საკითხებზე, რომლის ფარგლებშიც პროკურორებმა ახალგაზრდებს პროკურატურის საქმიანობის, მისი ფუნქციების და უწყებაში დასაქმების თაობაზე ინფორმაცია გააცნეს. ასევე, პროკურატურის თანამშრომლებმა მონაწილეებთან ერთად კიბერბულინგის და კიბერდანაშაულის პრევენციის საკითხები განიხილეს.
 
„შეხვედრები ინტერაქციულ რეჟიმში წარიმართა, რომლის დროსაც ახალგაზრდებმა მათთვის საინტერესო კითხვებზე პროკურორებისგან ამომწურავი პასუხები მოისმინეს. 
 
საქართველოს პროკურატურა სამართლებრივი ცნობიერების ამაღლების მიზნით, ახალგაზრდებთან საინფორმაციო შეხვედრებს მომავალშიც განაგრძობს",- აღნიშნულია ინფორმაციაში.

ავტორი: NS (სტატია დაფინანსებულია),

სოციალური ქსელები

კალაძე: კომპანია მარიჯანის N4-ში რომელიც ამჟამად აწარმოებს სამუშაოებს, თავად დაზარალებულებმა შეარჩიეს

თბილისში უკრაინაში დაღუპული მოხალისეების ხსოვნისადმი მიძღვნილი მსვლელობა გაიმართება

შეერთებულმა შტატებმა საქართველოს სასაზღვრო კომუნიკაციებისთვის ათობით როუტერი გადასცა

შინაგან საქმეთა სამინისტრომ „ქურდულ სამყაროსთან” კავშირში მყოფი 29 პირი დააკავა, ხოლო 3 პირს ბრალი დაუსწრებლად წარედგინება, მათ შორის ერთი ”კანონიერი ქურდია”