ევროკავშირის საბჭომ მიიღო გადაწყვეტილება, რომელიც სრულად აჩერებს ევროკავშირსა და რუსეთს შორის სავიზო რეჟიმის გამარტივების შეთანხმებას,- აღნიშნულის შესახებ ინფორმაციას ევროკავშირის საბჭოს პრესსამსახური ავრცელებს.

საბჭოს ცნობით, რუსეთის მოქალაქეებზე სავიზო კოდექსის ზოგადი წესები გავრცელდება.

ევროკავშირის ცნობითვე, ეს გამოიწვევს სავიზო მოსაკრებლის 35-დან 80 ევრომდე გაზრდას, დამატებითი დოკუმენტური მტკიცებულებების მიწოდების აუცილებლობას, ვიზის დამუშავების დროის გაზრდას და მრავალჯერადი ვიზის გაცემის მკაცრ წესებს.

 „რუსეთმა გაუმართლებელი ომითა დამშვიდობიანი მოსახლეობის წინააღმდეგ განურჩეველი თავდასხმებით, დაარღვია ნდობა და ჩვენი საერთაშორისო საზოგადოების ფუნდამენტური ღირებულებები.

დღევანდელი გადაწყვეტილება არის რუსეთის ქმედებების პირდაპირი შედეგი და ჩვენი ურყევი ვალდებულების კიდევ ერთი მტკიცებულება“, - განაცხადა ჩეხეთის შინაგან საქმეთა მინისტრმა, ვიტ რაკუზანმა.

გადაწყვეტილება ძალაში 2022 წლის 12 სექტემბრიდან შევა.

შეგახსენებთ, რომ მანამდე ევროკავშირის ქვეყნების საგარეო საქმეთა მინისტრებმა მიაღწიეს პოლიტიკურ შეთანხმებას რუსეთთან გამარტივებული სავიზო რეჟიმის შეჩერების შესახებ უკრაინის წინააღმდეგ ომის ფონზე.

ამავდროულად, უნგრეთის საგარეო საქმეთა მინისტრის, პიტერ სიიარტოს თქმით, ევროკავშირი არ დააწესებს ვიზების გაცემის სრულ აკრძალვას, რადგან ამ საკითხზე კონსენსუსი არ არსებობს.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს