ინდონეზია მზადაა გამართოს შეხვედრა უკრაინის პრეზიდენტ, ვოლოდიმირ ზელენსკისა და რუს დიქტატორ, ვლადიმერ პუტინს შორის G20-ის სამიტის ფარგლებში. აღნიშნულის შესახებ ინდონეზიის ელჩმა რუსეთის ფედერაციაში, ხოსე ტავარესმა განაცხადა, RIA Novosti-სთან ინტერვიუში განაცხადა.

მისი თქმით, აღნიშნულისთვის G20-ის პლატფორმის გამოყენება სწორი იქნებოდა.

„ეს კარგი იქნება - პლატფორმა არის. თუ ისინი გამოიყენებდნენ ამ პლატფორმას, კარგი იქნებოდა. ინდონეზია მზადაა დაეხმაროს ამ საკითხში”, - განაცხადა ელჩმა.

მისივე თქმით, ინდონეზია მხარს უჭერს თურქეთის ძალისხმევას ადრე გამართულ მოლაპარაკებებში.

„ჩვენ ვიმედოვნებთ, რომ თუ მათ სურთ გამოიყენონ G20 სამიტის ადგილი მათი შეხვედრისთვის, მაშინ რატომაც არა? ეს შესანიშნავი შესაძლებლობაა",- დასძინა ელჩმა.

შეგახსენებთ, რომ მანამდე თურქეთის პრეზიდენტმა რეჯეფ თაიფ ერდოღანმა პრეზიდენტ ზელენსკისთან მოლაპარაკება გამართა, რომლის დროსაც მან ის პუტინთან შესახვედრად მიიწვია. ამის შემდეგ ზელენსკიმ განაცხადა, რომ რუსეთთან დიალოგი მხოლოდ უკრაინის ტერიტორიიდან საოკუპაციო ძალების სრული გაყვანის შემთხვევაში იქნება შესაძლებელი.

ავტორი: ექსპრესნიუსი,

სოციალური ქსელები

თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის

ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ

არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ

2026 წლის I კვარტალში ევროკავშირი საქართველოს 2 060 მოქალაქეს დაატოვებინეს