გემმა „რაზონი“, რომელიც 26 ათასი ტონა უკრაინული მარცვლეულითაა დატვირთული, დღეს ოდესის პორტი დატოვა,- ამის შესახებ ინფორმაციას უკრაინის ინფრასტრუქტურის მინისტრი, ალექსანდრ კუბრაკოვი ავრცელებს.

მინისტრის თქმით, გემი სიერა-ლეონეს დროშის ქვეშ ცურავს და ლიბანში, ტრიპოლის პორტისკენ მიემართება.

„დღეს 09:15 საათზე,  24 თებერვლის შემდეგ, პირველად ველოდებით გემ „RAZONI-ის" ოდესის პორტიდან გასვლას, რომელიც უკრაინული მარცვლეულითაა დატვირთული და  სიერა-ლეონეს დროშის ქვეშ ცურავს და ლიბანში, ტრიპოლის პორტისკენ მიემართება",- განაცხადა მინისტრმა.

გარდა ამისა, კუბრაკოვმა ასევე აღნიშნა, რომ მისივე თქმით, პორტებზე ბლოკადის მოხსნა ქვეყნის ეკონომიკას 1 მილიარდი დოლარის გაზრდის.

შეგახსენებთ, რომ 22 ივლისს სტამბოლში ხელი მოეწერა შეთანხმებას, რომელიც ითვალისწინებს უკრაინული პორტების „ოდესას“, „იუჟნის“ და „ჩერნომოვსკის“ განბლოკვას უკრაინული მარცვლეულისა და სხვა სასოფლო-სამეურნეო პროდუქტების ექსპორტზე.

უკრაინის ინფრასტრუქტურის სამინისტროს ხელმძღვანელმა ალექსანდრე კუბრაკოვმა და რუსეთის თავდაცვის მინისტრმა სერგეი შოიგუმ თურქეთთან და გაეროსთან ცალ-ცალკე იდენტური შეთანხმებები გააფორმეს.

ამასთან აღსანიშნავია, რომ უკრაინა სრულად აკონტროლებს იმ პორტებს, საიდანაც მარცვლეულის ექსპორტი უნდა განხორციელდეს.

29 ივლისს კუბრაკოვმა განაცხადა, რომ 10 გემი უკრაინული მარცვლეულით მზად იყო ოდესისა და ჩერნომორსკის პორტებში გამგზავრებისთვის.

ხოლო, CNN Turk-ის ცნობით, უკრაინიდან მარცვლეულით პირველი გემი თურქეთში  3 აგვისტოს უნდა ჩავიდეს.

ავტორი: ექსპრესნიუსი,

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს